Qazaqstan musylmandary dini basqarmasy qurban shalý rásimin qashyqtan ótkizýge arnalǵan qurban.muftyat.kz saityn iske qosty, dep habarlaidy dalanews.kz.
Basqarma málimetinshe, onlain túrde qurban shalam deýshiler sait arqyly qurbandyq malyn tańdap, Kaspi QR arqyly qajet qarajatty aýdara alady. Qoi men eshkini jeke adam, al iri qara men túieni bir adam nemese 7 adam birigip shalsa bolady.
"Tapsyrysyńyz sátti ótse, uialy telefonyńyzǵa habarlama keledi. Qurbandyq shalynǵan soń onyń sýret jáne video esebi tapsyrys berýshi kórsetken nómirge jiberiledi", - dep jazylǵan habarlamada.
Qalalar men óńirlerge qarai mal baǵasy ózgere beredi:
- Astanada qoi 125 000 teńgege, iri qara 875 000 teńgege baǵalanǵan.
- Almatyda qoi 120 000 teńge, eshki 70 000 teńge, iri qara 805 000 teńge dep kórsetilgen.
- Shymkentte qoi qymbatyraq: 150 000 teńge. Eshki 75 000 teńge. Iri qara 805 000 teńge.
