Frantsiianyń Bordo qalasynda «Ambition» krýiz lainerindegi 1700-den astam jolaýshy men ekipaj múshesi oqshaýlandy, dep habarlaidy dalanews.kz.
Buǵan bortta norovirýs tarady degen kúdik sebep boldy.
Frantsýz biliginiń málimetinshe, kemede 1233 jolaýshy bar. Olardyń basym bóligi Ulybritaniia men Irlandiia azamattary.
Qazirgi ýaqytta shamamen 50 adamnan asqazan ishek infektsiiasynyń belgileri anyqtalǵan. Naýqastarda qusý, júrek ainý jáne ish ótý belgileri baiqalǵan.
Norovirýs óte juqpaly virýs sanalady. Ol kóbine asqazan ishek joldaryn zaqymdap, birneshe kúnge sozylatyn aýyr jaǵdai týǵyzady. Dárigerlerdiń aitýynsha, kóp jaǵdaida aýrý 1-3 kún ishinde ózdiginen ótedi.
Frantsiia biligi qaýiptiń taralýyn boldyrmaý úshin lainerdegi barlyq adamǵa ýaqytsha jaǵaǵa shyǵýǵa tyiym saldy.
Qazir kemede tekseris pen zerthanalyq saraptamalar júrgizilip jatyr.
