«جەتىسۋ» فۋتبول كلۋبىنىڭ سپورت ديرەكتورى سوتتالدى، - دەپ حابارلايدى Dalanews.kz انتيكورعا سىلتەپ. 

تالدىقورعان قالالىق سوتى «جەتىسۋ» فۋتبول كلۋبىنىڭ سپورت ديرەكتورى د. م. يمانقۇلوۆقا قاتىستى ۇكىم شىعاردى.

ول فۋتبولشىنىڭ ەڭبەك شارتىنا بونۋس بەرۋ سىلتاۋىمەن 5،5 ملن تەڭگە مولشەرىندە بيۋدجەت قاراجاتىن الاياقتىق جولمەن جىمقىرعانى ءۇشىن كىنالى دەپ تانىلدى.

سوت ۇكىمىمەن وعان 3 جىل 6 اي باس بوستاندىعىن شەكتەۋ تۇرىندەگى جازا تاعايىندالدى.

سوت ۇكىمى زاڭدى كۇشىنە ەنگەن جوق.

كونستيتۋسيانىڭ 77-بابى 3-تارماعىنىڭ 1-تارماقشاسىنا جانە قىلمىستىق-پروسەستىك كودەكستىڭ 19-بابى 1-بولىگىنە سايكەس، قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن ءاربىر ادام كىناسىز دەپ ەسەپتەلەدى.