قازاقستاندا شەتەلدىك جوعارى وقۋ ورىندارىنان اۋىساتىن ستۋدەنتتەردى ەنت نەمەسە كەشەندى تەستىلەۋدەن وتۋگە مىندەتتەۋ ۇسىنىلدى، دەپ حابارلايدى Dala News.
عىلىم جانە جوعارى ءبىلىم مينيسترلىگىنىڭ بۇيرىق جوباسىنا سايكەس، شەتەلدەن اۋىساتىن نەمەسە قايتا وقۋعا قابىلداناتىن ستۋدەنتتەر:
•وقۋ ناتيجەلەرى كورسەتىلگەن ترانسكريپت؛
•ەنت نەمەسە كەشەندى تەستىلەۋ سەرتيفيكاتىن ۇسىنۋى ءتيىس.
سەرتيفيكاتتاعى بالل ءتيىستى ماماندىق بويىنشا بەلگىلەنگەن شەكتى دەڭگەيدەن تومەن بولماۋى قاجەت.
ەگەر ستۋدەنتتە ەنت نەمەسە كت سەرتيفيكاتى بولماسا، جوعارى وقۋ ورنى ونى ءبىر اكادەميالىق كەزەڭگە شارتتى تۇردە قابىلداي الادى. وسى ۋاقىت ىشىندە ستۋدەنت تەست تاپسىرۋى ءتيىس.
قۇجاتقا سايكەس، ءارى قاراي وقۋ تەك قاجەتتى شەكتى بالل جيناعان جاعدايدا عانا جالعاسادى.
سونىمەن قاتار ءبىرقاتار جەڭىلدىكتەر قاراستىرىلعان.
اتاپ ايتقاندا:
•الەمدىك رەيتينگتىڭ توپ 700 ۋنيۆەرسيتەتىنەن؛
•ەىدۇ ەلدەرىنىڭ ۇلتتىق رەيتينگىندەگى توپ 100 وقۋ ورنىنان؛
•نەمەسە قازاقستانداعى شەتەلدىك جوو فيليالدارىنان اۋىساتىن ستۋدەنتتەر ءۇشىن
ەنت نەمەسە كت تاپسىرۋ تالابى قولدانىلمايدى.
بۇدان بولەك، دوكتورانتتاردى قورعاۋعا جىبەرۋ الدىندا ولاردى ۋاكىلەتتى ورگاننىڭ سيفرلىق جۇيەسىندە تىركەۋ مىندەتى ەنگىزىلەدى.
مينيسترلىك بۇل وزگەرىستەردىڭ ماقساتى بارلىق تالاپكەرلەر ءۇشىن تەڭ جاعداي جاساۋ جانە ەل ەكونوميكاسىنا قاجەتتى باسەكەگە قابىلەتتى ماماندار دايارلاۋ ەكەنىن اتاپ ءوتتى.
