تٶتەنشە جاعداي كەزٸندە قۇتقارۋ قىزمەتتەرٸنٸڭ كەدەرگٸسٸز جۇمىس ٸستەۋٸ ٷشٸن ارنايى مەحانيزمدەر قاجەت, دەپ حابارلايدى Dala News.
بۇل تۋرالى سەنات تٶراعاسى ماۋلەن ەشٸمباەۆ كۋلۋاردا مەلٸمدەدٸ.
ونىڭ ايتۋىنشا, جاقىندا بولعان قايعىلى وقيعا بۇل مەسەلەنٸڭ ٶزەكتٸلٸگٸن كٶرسەتتٸ.
«تراگەدييا بولدى, بالالار قازا تاپتى. وسىعان بايلانىستى تٶتەنشە جاعداي كەزٸندە تيٸستٸ قىزمەتتەردٸڭ ٶز مٸندەتتەرٸن كەدەرگٸسٸز ورىنداۋى ٷشٸن ناقتى مەحانيزمدەر قاجەت», – دەدٸ ەشٸمباەۆ.
سپيكەردٸڭ سٶزٸنشە, مۇنداي جاعدايدا ادامنىڭ ٶمٸرٸ مەن قاۋٸپسٸزدٸگٸ بٸرٸنشٸ ورىندا تۇرۋى تيٸس.
«مۇندا بەلگٸلٸ بٸر نيۋانستار بار, بۇل ازاماتتاردىڭ جەكە مٷلكٸ. بٸراق ادام ٶمٸرٸ, قاۋٸپسٸزدٸك, دەنساۋلىق مەسەلەسٸ كٶتەرٸلگەندە, تيٸستٸ قىزمەتتەردٸڭ ەش كەدەرگٸسٸز ەرەكەت ەتۋٸنە مٷمكٸندٸك بەرەتٸن تەتٸكتەر بولۋى كەرەك», – دەدٸ ول.
ەشٸمباەۆ بۇل مەسەلەدە زاڭنامالىق ٶزگەرٸستەر قاجەت بولۋى مٷمكٸن ەكەنٸن اتاپ ٶتتٸ.
سونىمەن قاتار, ول مۇنداي نورمالار ناقتى ەرٸ انىق جازىلۋى تيٸس ەكەنٸن ايتتى.
«ەگەر زاڭ قابىلداناتىن بولسا, وندا ونىڭ ٸشٸندە مۇنداي تەتٸكتەردٸڭ قاي جاعدايدا جەنە قالاي قولدانىلاتىنى ناقتى كٶرسەتٸلۋٸ كەرەك. بۇل ٶتە ماڭىزدى مەسەلە جەنە جان-جاقتى قاراستىرۋدى قاجەت ەتەدٸ», – دەدٸ سەنات تٶراعاسى.
ونىڭ پٸكٸرٸنشە, بۇل باعىتتا بەلگٸلٸ بٸر ٶزگەرٸستەر ەنگٸزۋ قاجەت.
