الاتاۋدىڭ اسقار شىڭدارىنا ٸڭكەرلەنە قاراعان جان, ونىڭ باۋرايىندا تۇنىپ تۇرعان تالاي تاعدىر بارىن اڭعارا بەرمەس. سول تاعدىرلاردىڭ توعىسقان بٸر مەكەنٸ – «الاتاۋ» دەستٷرلٸ ٶنەر تەاترى. بۇل شاڭىراقتا ٶنەر عانا ەمەس, جٷرەكتٸڭ دە ٶز ٷنٸ, ٶز شىندىعى بار. ساحنادا ايتىلعان ەر سٶز, ەر ەۋەن, ەر قيمىل – ادام جانىنىڭ ايناسى ٸسپەتتٸ. ال سول ايناعا ٷڭٸلگەن جاندار كەيدە ٶز سىڭارىن دا وسى جەردەن تابادى. ون جىل ٸشٸندە بۇل وردا بەس بٸردەي شاڭىراقتىڭ كەرەگەسٸن كەڭەيتٸپ, بەس تاعدىردى بٸر ارناعا توعىستىردى. قوزى كٶرپەش – بايان سۇلۋ كٷنٸنٸڭ قارساڭىندا بۇل حيكايالار تٸپتٸ دە جٷرەككە جاقىن ەستٸلەدٸ, دەپ حابارلايدى Dalanews.kz.
ايبەك پەن ايگەرٸمنٸڭ كەزدەسۋٸ – جازدىڭ جايما-شۋاق بٸر كٷنٸندەي اڭداۋسىز باستالعان ەسەر. 2020 جىلدىڭ ماۋسىمىندا ساحنا ٷستٸندە بٸر سەت كٶزگە تٷسكەن بەينە, كٶڭٸلدٸڭ بٸر تٷكپٸرٸنە جارىق سەۋلە تٷسٸرگەندەي بولدى. «اباي-توعجان» قويىلىمىنىڭ قاربالاس دايىندىعى ولاردى بٸر-بٸرٸنە جاقىنداتىپ, بەينە بٸر ەكٸ ٶزەننٸڭ بٸر ارناعا قۇيىلعانىنداي سەزٸمگە جەتەلەدٸ. ەۋەلدە جاي عانا ەرٸپتەستٸك ەڭگٸمە ەدٸ, كەيٸن ول سىرعا, سىردان – ساعىنىشقا ۇلاستى. ايبەك جٷرەگٸندەگٸ وتتى جاسىرا الماي, دوستارى ارقىلى جول تاۋىپ, ىقىلاسىن بٸلدٸردٸ. 2021 جىلدىڭ كٶكتەمٸندە بٷر جارعان بۇل سەزٸم جىلدار ٶتە تامىرىن تەرەڭگە جٸبەرٸپ, 2024 جىلدىڭ كٷزٸنە قاراي مەۋەلٸ بەيتەرەككە اينالدى. بٷگٸندە سول بەيتەرەكتٸڭ ساياسىندا سەبي كٷلكٸسٸ سىڭعىرلاپ تۇر.
وسى بٸر نەزٸك سەزٸمنٸڭ ٶربۋٸنە كۋە بولعان تاعدىرلاس جاندار – نۇربولات پەن ساۋلە. ولاردىڭ ماحابباتى دا اسىقپاي تٶگٸلگەن كٷيدەي باياۋ باستالدى. سول بٸر «اباي-توعجان» قويىلىمىنىڭ اياسىندا تانىسىپ, بٸر-بٸرٸنە جاقىنداي تٷسكەن قوس جٷرەك نۇربولاتتىڭ تۋعان كٷن كەشٸندە تٸپتٸ جاقىن تانىستى. ەڭگٸمە ٶربٸگەن سايىن, كٶڭٸلدٸڭ دە قاقپاسى ايقارا اشىلعانداي بولدى. ٷش جىلعا سوزىلعان بۇل سەزٸم ۋاقىت سىنىنان سٷرٸنبەي ٶتٸپ, 2025 جىلى شاڭىراق كٶتەرۋمەن تٷيٸندەلدٸ.
بۇل ەكٸ جۇپتىڭ اراسىندا كٶزگە كٶرٸنبەس, بٸراق جٷرەكپەن سەزٸلەر بايلانىس بار. ايبەك پەن نۇربولات – بالا كٷننەن تانىس دوستار بولسا, ايگەرٸم مەن ساۋلە ٶنەر جولىندا قاتار شىڭدالعان, بٸر وقۋ ورنىندا بٸلٸم العان جاندار. تەاتر قابىرعاسىندا بۇل تٶرتەۋ تەك ەرٸپتەس ەمەس, بٸر-بٸرٸنە تٸلەۋلەس, سىرلاس جانعا اينالدى. قوس-قوستان سەرۋەندەپ, ورتاق قۋانىش پەن ەسەردٸ بٶلٸسۋ – ولاردىڭ بايلانىسىن بەكٸتە تٷستٸ. بٸرٸنٸڭ سەزٸمٸ بٷر جارسا, ەكٸنشٸسٸ سوعان كۋە بولىپ, بٸرگە قۋاندى. وسىلايشا ەكٸ ماحاببات حيكاياسى بٸر ٶرنەكتٸڭ قوس جٸبٸندەي قاتار ٶرٸلدٸ.
ال ايدوس پەن ايدانانىڭ جولى – ٷنسٸز باستالىپ, كٷرت ٶزگەرٸسكە تولى ەڭگٸمە. العاشقىدا الىستان عانا سٷيسٸنگەن كٶڭٸل ۇزاق ۋاقىت بويى ٸشتە بۇعىپ جاتتى. تەاتر ساحناسىنداعى ەر كەزدەسۋ, ەربٸر ورتاق شارا – ونىڭ جٷرەگٸندەگٸ سەزٸمدٸ تەربەتە تٷستٸ. بٸراق تاعدىردىڭ ٶز ۋاقىتى بار. 2023 جىلى بٸر كەشتٸڭ سەتٸندە باستالعان تانىستىق جاڭا بٸر ٶمٸردٸڭ ەسٸگٸن اشقانداي بولدى. بٸر ايعا جەتەر-جەتپەس ۋاقىتتا ولاردىڭ ەڭگٸمەسٸ ٷزٸلمەيتٸن ارناعا اينالدى. العاشقى كەزدەسۋدٸڭ ٶزٸ – تابيعات اياسىندا, تازا اۋامەن تىنىستاپ, ەركٸن سىرلاسۋ – جان دٷنيەلەرٸن جاقىنداتتى. باتىل شەشٸم قابىلداندى, سەزٸمگە سەنٸم قوسىلدى. توعىز اي ٸشٸندە قوس ەۋلەت تابىسىپ, جاڭا شاڭىراق كٶتەرٸلدٸ. قازٸر ەگٸز ۇلدىڭ كٷلكٸسٸ سول بٸر ٷنسٸز باستالعان سەزٸمنٸڭ ايعاعى ٸسپەتتٸ.
دياس پەن توميريستٸڭ ماحابباتى – لاپ ەتكەن جالىن سەكٸلدٸ. 2022 جىلدىڭ كٷزٸ ولار ٷشٸن تەك مەزگٸل اۋىسۋى ەمەس, جٷرەك كٷيٸنٸڭ ٶزگەرۋٸ بولدى. دوستىقتىڭ نەزٸك جٸبٸ بٸر سەتتە ماحابباتتىڭ بەرٸك ارقانىنداي بەكي تٷستٸ. توميريستٸڭ تۋعان كٷنٸ – تاعدىردىڭ شەشۋشٸ سەتٸنە اينالدى: سول كٷنٸ ايتىلعان سٶز, تاعىلعان ساقينا – بەرٸ جاڭا ٶمٸردٸڭ باستاۋىنداي ەدٸ. سول كٷننەن كەيٸن ولار ٷشٸن ۋاقىتتىڭ ٶزٸ باسقا ىرعاقپەن سوققانداي بولدى. بٸر كٷن كٶرمەسە, بٸر ەلەم كەمٸگەندەي سەزٸم, بٸرگە ٶتكەن ەر سەتتٸڭ قادٸرٸ – ولاردىڭ بايلانىسىن بۇرىنعىدان دا تەرەڭ ەتتٸ. 2023 جىلى جاسالعان ۇسىنىس – سول سەزٸمنٸڭ زاڭدى جالعاسى. قازٸر ولار اتا-انا اتانىپ, ماحابباتتىڭ شىن مەنٸندە ٶمٸرگە اينالعانىن دەلەلدەپ وتىر.
ەرقانات پەن قۇرالايدىڭ حيكاياسى – بايقالماي باستالعانىمەن, جٷرەكتە تەرەڭ ٸز قالدىرعان تاعدىر. 2022 جىلعى «ايمان – شولپان» قويىلىمىنىڭ قاربالاسى كەزٸندە العاش كٶزگە تٷسكەن تانىستىق باستاپقىدا مەنسٸز كٶرٸنگەندەي ەدٸ. بٸراق كٷن سايىنعى جٷزدەسۋ, ورتاق داستارقان باسىنداعى ەڭگٸمە, ۇزاق گاسترولدٸك ساپارلار – بەرٸ-بەرٸ جٷرەكتەردٸ بٸر-بٸرٸنە جاقىنداتا تٷستٸ. ەرقاناتتىڭ ٷنسٸز ٸلتيپاتى, بايقاتپاي جاساعان قامقورلىعى قۇرالايدىڭ كٶڭٸلٸندە جىلىلىق ۇيالاتتى. سەمەي ساپارىنداعى بٸر اۋىز سٶز – ەزٸلگە ۇقساس تٸلەك – كەيٸن تاعدىردىڭ شىندىققا اينالعان يشاراسى بولدى. دوستىقتىڭ نەزٸك جٸبٸ ۋاقىت ٶتە ماحابباتتىڭ بەرٸك ارقاۋىنا اينالىپ, ولار دا شاڭىراق كٶتەردٸ. بٷگٸندە ولاردىڭ ٶمٸرٸ بالا كٷلكٸسٸمەن اجارلانىپ تۇر.
بۇل بەس تاعدىر – بەس بٶلەك ەۋەن. بٸرٸ باياۋ تٶگٸلگەن كٷيدەي, بٸرٸ لاپىلداعان جالىنداي, بٸرٸ تەرەڭ تولقىنداي. بٸراق بارلىعىنىڭ باستاۋى بٸر – شىنايى سەزٸم. ٶنەردٸڭ ٸشٸندە تۋعان ىقىلاس جاساندىلىقتان ادا, سوندىقتان دا مەڭگٸلٸككە ۇلاسۋعا بەيٸم.
جٷرەككە جٷگٸنگەن جان عانا تٸرشٸلٸكتٸڭ شىن مەنٸن تەرەڭنەن تاني الادى. ال وسى تەاتر قابىرعاسىندا بٷر جارعان ماحابباتتار – سول شىندىقتىڭ ٷنسٸز دەلەلٸ. مۇندا ساحناداعى رٶل اياقتالعانىمەن, ٶمٸردەگٸ رٶل ەندٸ عانا باستالادى.
ون جىل – ۋاقىتتىڭ ٶلشەمٸ عانا ەمەس, سەزٸمنٸڭ شەجٸرەسٸ. توعىسقان تاعدىرلار, تابىلعان باقىت, جالعاسقان ٶمٸرلەر – بەرٸ وسى شاڭىراقتىڭ تاريحىنا اينالعان. ال «الاتاۋ» دەستٷرلٸ ٶنەر تەاترى ەلٸ تالاي جٷرەكتٸڭ ٷنٸن ەستٸپ, تالاي ماحابباتتىڭ كۋەسٸ بولارى سٶزسٸز.
اۋباكيروۆا ينارا
