قۇقىق قورعاۋشى ايتبەك امانگەلدى شەرزات بولاتتىڭ وتباسىنا ارنالعان ءۇي قايىرىمدى ازاماتتىڭ قارجىسىنا سالىناتىنىن مالىمدەدى، دەپ حابارلايدى Dalanews.kz.
ايتۋىنشا، بۇنىڭ ميللياردتاعان قاراجات جىمقىردى دەگەن كۇدىككە ىلىنگەن پەريزات قايراتتىڭ قورىنا ەشقانداي قاتىسى جوق.
“قارجاۋبايدىڭ وتباسى ءۇشىن ءۇي مەسەنات قاراجاتىنا سالىنادى. پەريزات قايراتتىڭ جيناعان اقشاسى بۇل ماقساتقا پايدالانىلمايدى. ءبىزدىڭ بۇل جيناققا قاتىسىمىز جوق. ونىڭ رەكۆيزيتتەرىن بىلمەيمىز. قازىرگى ۋاقىتتا پىكىرلەردە ءتۇرلى رەكۆيزيت تارالىپ جاتىر. سوندىقتان الاياقتىق ارەكەتتەردىڭ قۇربانى بولىپ قالماڭىزدار. ەگەر ناقتىلاۋ قاجەت بولسا، پەريزاتتىڭ وزىنە حابارلاسقاندارىڭىز ءجون. بۇل جيناقتىڭ ماقساتى بىزگە بەيمالىم”، – دەدى ايتبەك امانگەلدى.
سونىمەن قاتار ول پەريزات قايراتتىڭ ءوز ادۆوكاتتارى بار ەكەنىن اتاپ ءوتتى.
“پەريزات ءبىزدىڭ سەنىم ءبىلدىرۋشىمىز نەمەسە قامقورلىعىمىزداعى تۇلعا ەمەس. سوندىقتان بۇل جيناقتى بىزبەن نەمەسە قارجاۋبايدىڭ وتباسى ماسەلەسىمەن بايلانىستىرماۋلارىڭىزدى سۇرايمىز”، – دەدى قۇقىق قورعاۋشى.
ەسكە سالايىق، بۇعان دەيىن تالعاردا جاپپاي توبەلەس بولىپ، سالدارىنان 16 جاستاعى ءجاسوسپىرىم شەرزات بولات كوز جۇمدى.
كامەلەتكە تولماعان بالانى ءولتىرۋ فاكتىسى بويىنشا الماتى وبلىسىنىڭ پوليسيا دەپارتامەنتى قىلمىستىق ءىس قوزعادى.
قازىرگى تاڭدا كىنالى دەپ تانىلعان 11 ادام ۇستالىپ، ۋاقىتشا ۇستاۋ يزولياتورىنا قاماۋعا الىندى.
كوپ ۇزاماي، ياعني 9 جەلتوقساندا مارقۇم شەرزات بولاتتىڭ اعاسى نۇرقانات عايىپبايەۆ اجال قۇشتى. پوليسيا دەپارتامەنتى ونىڭ سۋيسيد جاساعانىن مالىمدەدى. وعان دالەل رەتىندە پوليسەيلەر نۇرقاناتتىڭ تۋىسىنا مەسسەندجەر ارقىلى جازعان حاتىن جاريا ەتتى.
حابارلامادا ول تۋىسقاندارىمەن قوشتاسىپ، جيەنىنىڭ جانىنا جەرلەۋدى سۇراعان. بۇل فاكتى بويىنشا قىلمىستىق ءىس قوزعالدى.
ال 10 جەلتوقساندا ونىڭ ولىمىنە قاتىستى ساراپتاما قورىتىندىسى شىقتى.
"سوت-مەديسينالىق ساراپتامانىڭ الدىن الا بولجامى بوي̆ىنشا، 9 جەلتوقساندا تالعاردىڭ شەتىندە تابىلعان 30 جاستاعى ەر ادامنىڭ ءماي̆ءىتى ءوزىن-وزى اسۋ ارقىلى مەحانيكالىق اسفيكسيا ناتيجەسىندە بولعانىن كورسەتتى. دەنەسىندە زورلىق-زومبىلىق سيپاتتاعى بەلگىلەر جوق.
ساراپشىلارمەن انىقتالعان دەنە جاراقاتتارى، مىسالى، سترانگۋلياسيالىق جانە موي̆ىننىڭ ابرازيالارى اسىلعان ءجىپتى قولدانعان كەزىندە پاي̆دا بولاتىن جاراقاتتارعا ءساي̆كەس كەلەتىنىن كورسەتتى. بارلىق بەلگىلەر ءسۋيسيدتى كورسەتەدى، موي̆ىنىنداعى زاقىمدانۋ سيپاتى مۇنداي̆ جاعداي̆لارعا ءتان"، - دەلىنگەن حابارلامادا.
ال مارقۇم شەرزاتتىڭ اكەسى باۋىرى نۇرقانات عايىپبايەۆتى جەر قوينىنا تاپسىرعانان كەيىن، بۇقارالىق اقپارات قۇرالدارىمەن كەزدەسۋدى تالاپ ەتىپ، كوشەگە شىقتى. الايدا اراعا ۇزاق ۋاقىت سالماي قارجاۋباي نۇرىموۆتى پوليسيا قىزمەتكەرلەرى ۇستاپ اكەتتى.
"قارجاۋباي نۇرىموۆ پروكۋروردىڭ زاڭدى ساقتاۋ تۋرالى تۇسىندىرمەلەرىن ەلەمەدى. شەكتەن تىس اگرەسسيۆتى مىنەز-قۇلىق تانىتىپ، باسقالاردى وز-وزىنە قول جۇمسايمىن دەپ قورقىتتى. سونىمەن قاتار پوليسيا قىزمەتكەرىنە پىشاقپەن شابۋىل جاسادى. ونىڭ مىنەز-قۇلقى وزىنە دە، باسقالارعا دا ءقاۋىپ ءتوندىردى"، — دەلىنگەن حابارلامادا.
وسىلايشا شەرزات بولاتتىڭ اكەسى مەن اپكەسى قاماۋعا الىندى.
