North Caspian Operating Company (NCOC) فيليالىنا مەملەكەتكە زالال كەلتٸرگەنٸ ٷشٸن 3,5 ملرد تەڭگە كٶلەمٸندە ايىپپۇل سالىندى. استانا قالاسىنىڭ مامانداندىرىلعان اۋدانارالىق ەكونوميكالىق سوتى "قر ەنەرگەتيكا مينيسترلٸگٸ مۇناي-گاز كەشەنٸندەگٸ مەملەكەتتٸك ينسپەكتسييانىڭ باتىس ٶڭٸرارالىق باسقارماسى" رمم-نٸڭ NCOC فيليالىنا مەملەكەتكە كەلتٸرٸلگەن زيياندى ٶندٸرۋ تۋرالى تالاپ قويۋى بويىنشا ٸستٸ قارادى, دەپ جازادى Dalanews.kz.
"سوتتا ەنەرگەتيكا مينيسترلٸگٸ جاۋاپكەردٸڭ مۇناي-گاز كەشەنٸندەگٸ قىزمەتٸنە كەشەندٸ تەكسەرۋ جٷرگٸزگەنٸ انىقتالدى. تەكسەرۋ قورىتىندىسى بويىنشا قاشاعان كەن ورنىندا كٶمٸرسۋتەكتەر مەن كٶمٸرسۋتەكتٸ ەمەس گازداردىڭ كٶپكومپونەنتتٸ قوسپاسىن شەكتەن تىس رۇقساتسىز جاعۋ فاكتٸلەرٸ انىقتالىپ, ەكٸمشٸلٸك قۇقىق بۇزۋشىلىق تۋرالى حاتتاما تولتىرىلدى", دەلٸنگەن ەلوردانىڭ ەكونوميكالىق سوتىنىڭ حابارلاماسىندا.
NCOC فيليالى ەقبتك-نٸڭ 356-بابىنىڭ 3, 5-بٶلٸگٸندە (جەر قويناۋىن پايدالانۋ جٶنٸندەگٸ وپەراتسييالاردى جٷرگٸزۋ قاعيدالارىن بۇزۋ) كٶزدەلگەن قۇقىق بۇزۋشىلىقتى جاساعانى ٷشٸن كٸنەلٸ دەپ تانىلدى.
"اتىراۋ وبلىستىق سوتىنىڭ قىلمىستىق ٸستەر جٶنٸندەگٸ سوت القاسىنىڭ 2024 جىلعى 28 مامىرداعى قاۋلىسىمەن فيليالدىڭ شاعىمى قاناعاتتاندىرۋسىز, ەكٸمشٸلٸك جازا قولدانۋ تۋرالى قاۋلى ٶزگەرٸسسٸز قالدىرىلدى. وسىلايشا, قاشاعان كەن ورنىندا شيكٸ گازدى شەكتەن تىس جاعۋ فاكتٸسٸ انىقتالدى. جەر قويناۋىن ۇتىمدى جەنە كەشەندٸ پايدالانۋ جٶنٸندەگٸ تالاپتاردى بۇزۋ نەتيجەسٸندە كەلتٸرٸلگەن زالالدىڭ مٶلشەرٸ مەملەكەتكە كەلتٸرٸلگەن زالالدىڭ ەدٸل ٶتەلۋٸن قامتاماسىز ەتۋگە باعىتتالعان ەرەجەلەر, "كٶمٸرسۋتەكتەردٸ بارلاۋ جەنە ٶندٸرۋ كەزٸندە جەر قويناۋىن ۇتىمدى جەنە كەشەندٸ پايدالانۋ جٶنٸندەگٸ تالاپتاردى بۇزۋ نەتيجەسٸندە كەلتٸرٸلگەن زالالدىڭ مٶلشەرٸن ايقىنداۋ قاعيدالارىمەن" ايقىندالعان", دەلٸنگەن سوت حابارلاماسىندا.
زاڭدا جەر قويناۋىن پايدالانۋشىنىڭ جەر قويناۋى جەنە جەر قويناۋىن پايدالانۋ تۋرالى زاڭنامانىڭ تالاپتارىن بۇزۋ نەمەسە جەر قويناۋىنا مەملەكەتتٸك مەنشٸك قۇقىعى سالدارىنان كەلتٸرٸلگەن زيياندى ٶتەۋ مٸندەتٸ كٶزدەلگەنٸن ەسكەرە وتىرىپ, سوت ۋەكٸلەتتٸ مەملەكەتتٸك ورگاننىڭ تالاپ قويۋىن قاناعاتتاندىردى.
شەشٸم زاڭدى كٷشٸنە ەنگەن جوق.
ايتا كەتسەك, بۇل - كونسورتسيۋم موينىنا ٸلٸنٸپ وتىرعان بٸرٸنشٸ ٸرٸ ايىپپۇل ەمەس. 2024 جىلعى ناۋرىزدا NCOC ەكولوگييالىق تالاپتار نورمالارىن بۇزعانى ٷشٸن 12,419 ملرد تەڭگە كٶلەمٸندە ايىپپۇل تٶلەگەنٸ حابارلاندى.
بۇعان دەيٸن سايتىمىزدا, ياعني 2024 جىلى 2 قازاندا "5 ملرد دوللار داۋى: NCOC كونسورتسيۋمى قازاقستانمەن اراداعى كەلٸسسٶزدەردٸ قايتا جانداندىردى" دەگەن ماقالا جارييالانعان بولاتىن. سونداي-اق بۇل تاقىرىپتا "قازاقستان نەگە ينۆەستورلاردان 138 ميلليارد دوللار تالاپ ەتۋدە" دەگەن دە ماقالا جارييالانعان.
