North Caspian Operating Company (NCOC) filialyna memleketke zalal keltirgeni úshin 3,5 mlrd teńge kóleminde aiyppul salyndy. Astana qalasynyń mamandandyrylǵan aýdanaralyq ekonomikalyq soty "QR Energetika ministrligi Munai-gaz keshenindegi memlekettik inspektsiianyń Batys óńiraralyq Basqarmasy" RMM-niń NCOC filialyna memleketke keltirilgen ziiandy óndirý týraly talap qoiýy boiynsha isti qarady, dep jazady Dalanews.kz.
"Sotta Energetika ministrligi jaýapkerdiń munai-gaz keshenindegi qyzmetine keshendi tekserý júrgizgeni anyqtaldy. Tekserý qorytyndysy boiynsha Qashaǵan ken ornynda kómirsýtekter men kómirsýtekti emes gazdardyń kópkomponentti qospasyn shekten tys ruqsatsyz jaǵý faktileri anyqtalyp, ákimshilik quqyq buzýshylyq týraly hattama toltyryldy", delingen elordanyń ekonomikalyq sotynyń habarlamasynda.
NCOC filialy ÁQBtK-niń 356-babynyń 3, 5-bóliginde (Jer qoinaýyn paidalaný jónindegi operatsiialardy júrgizý qaǵidalaryn buzý) kózdelgen quqyq buzýshylyqty jasaǵany úshin kináli dep tanyldy.
"Atyraý oblystyq sotynyń qylmystyq ister jónindegi sot alqasynyń 2024 jylǵy 28 mamyrdaǵy qaýlysymen filialdyń shaǵymy qanaǵattandyrýsyz, ákimshilik jaza qoldaný týraly qaýly ózgerissiz qaldyryldy. Osylaisha, Qashaǵan ken ornynda shiki gazdy shekten tys jaǵý faktisi anyqtaldy. Jer qoinaýyn utymdy jáne keshendi paidalaný jónindegi talaptardy buzý nátijesinde keltirilgen zalaldyń mólsheri memleketke keltirilgen zalaldyń ádil ótelýin qamtamasyz etýge baǵyttalǵan erejeler, "Kómirsýtekterdi barlaý jáne óndirý kezinde jer qoinaýyn utymdy jáne keshendi paidalaný jónindegi talaptardy buzý nátijesinde keltirilgen zalaldyń mólsherin aiqyndaý qaǵidalarymen" aiqyndalǵan", delingen sot habarlamasynda.
Zańda jer qoinaýyn paidalanýshynyń jer qoinaýy jáne jer qoinaýyn paidalaný týraly zańnamanyń talaptaryn buzý nemese jer qoinaýyna memlekettik menshik quqyǵy saldarynan keltirilgen ziiandy óteý mindeti kózdelgenin eskere otyryp, sot ýákiletti memlekettik organnyń talap qoiýyn qanaǵattandyrdy.
Sheshim zańdy kúshine engen joq.
Aita ketsek, bul - konsortsiým moinyna ilinip otyrǵan birinshi iri aiyppul emes. 2024 jylǵy naýryzda NCOC ekologiialyq talaptar normalaryn buzǵany úshin 12,419 mlrd teńge kóleminde aiyppul tólegeni habarlandy.
Buǵan deiin saitymyzda, iaǵni 2024 jyly 2 qazanda "5 mlrd dollar daýy: NCOC konsortsiýmy Qazaqstanmen aradaǵy kelissózderdi qaita jandandyrdy" degen maqala jariialanǵan bolatyn. Sondai-aq bul taqyrypta "Qazaqstan nege investorlardan 138 milliard dollar talap etýde" degen de maqala jariialanǵan.
