قازاقستانداعى جۇمىس بەرۋشٸنٸڭ مٸندەتتٸ زەينەتاقى جارناسىنىڭ مٶلشەرٸ ۇلعايتىلدى

ەستەرٸڭٸزدە بولسا, 2024 جىلدىڭ 1 قاڭتارىنان باستاپ بارلىق جۇمىس بەرۋشٸلەر زەينەتاقى جيناقتارىن قالىپتاستىرۋعا قاتىسىپ, بجزق-عا جۇمىس بەرۋشٸنٸڭ مٸندەتتٸ زەينەتاقى جارناسىن (جمزج) ٶز قىزمەتكەرلەرٸنٸڭ پايداسىنا اۋدارا باستادى. وسىلايشا, قازاقستاننىڭ جيناقتاۋشى جٷيەسٸ جاڭا قۇرامداۋىش بٶلٸكپەن تولىقتىرىلدى.

ەلەۋمەتتٸك كودەكسكە سەيكەس, قىزمەتكەرلەر ٶز كٸرٸستەرٸنەن تٶلەيتٸن 10% مٸندەتتٸ زەينەتاقى جارنالارىنان (مزج) ايىرماشىلىعى – جمزج-نى جۇمىس بەرۋشٸ ٶز قاراجاتى ەسەبٸنەن اۋدارادى.

"جىل سايىن جمزج مٶلشەرٸ كەزەڭ-كەزەڭٸمەن ٶسٸپ وتىرادى (2024 جىلى 1,5%, 2025 جىلى 2,5%, 2026 جىلى 3,5%, 2027 جىلى 4,5%) جەنە 2028 جىلى 5% جەتەدٸ دەپ كٷتٸلەدٸ", - دەيدٸ قورداعىلار.

جۇمىس بەرۋشٸنٸڭ جمزج ەسەپتەۋ ٷشٸن قابىلدايتىن جۇمىسكەردٸڭ تابىس سوماسى تيٸستٸ كٷنتٸزبەلٸك جىلعا بەلگٸلەنگەن ەڭ تٶمەنگٸ جالاقىنىڭ (ەتج) كەم دەگەندە بٸرەۋٸن جەنە كٶپ دەگەندە 50-ەسەلەنگەن مٶلشەرٸنەن اسپاۋى تيٸس.

جۇمىس بەرۋشٸلەر مىنا ازاماتتارعا جمزج تٶلەۋدەن بوساتىلادى:

• زەينەت جاسىنداعى,
• 1-شٸ جەنە 2-شٸ توپتاعى مەرزٸمسٸز مٷگەدەكتٸگٸ بار,
• ەسكەري قىزمەتشٸلەر مەن ولارعا تەڭەستٸرٸلگەن ادامدار,
• سونداي-اق 1975 جىلدىڭ 1 قاڭتارىنا دەيٸن تۋعان ادامدار.

جۇمىس بەرۋشٸلەردٸڭ جمزج-نى ۋاقىتىلى جەنە تولىق تٶلەپ وتىرۋىن باقىلاۋ قر قارجى مينيسترلٸگٸنٸڭ مەملەكەتتٸك كٸرٸستەر كوميتەتٸنە جٷكتەلگەن.

"قىزمەتكەرلەردٸڭ جەكە زەينەتاقى شوتتارىنا تٷسەتٸن مزج-دان تاعى بٸر ەرەكشەلٸگٸ, جمزج شارتتى زەينەتاقى شوتتارىنا ەسەپتەلەدٸ جەنە قىزمەتكەرلەردٸڭ مەنشٸگٸ بولىپ سانالمايدى. تيٸسٸنشە, جمزج ەسەبٸنەن قالىپتاسقان جيناقتاردى قىزمەتكەرلەر مۇراعا قالدىرا المايدى. جمزج زەينەتاقىنى ورتاق (تاراتۋشى) قاعيداتى بويىنشا تٶلەۋگە ارنالعان. سوندىقتان, قازاقستان ازاماتتىعىنان ايىرىلعان نەمەسە قايتىس بولعان ادامدار ٷشٸن تٶلەنٸپ كەلگەن جمزج قالعان قاتىسۋشىلار اراسىندا بٶلٸنٸپ, ٶمٸر بويى تٶلەنەتٸن بولادى".

جمزج ەنگٸزۋ 1975 جىلى جەنە ودان كەيٸن تۋعان جۇمىسشىلاردىڭ ورتاق زەينەتاقى الۋعا مٷمكٸندٸك بەرەتٸن 1998 جىلعا دەيٸنگٸ جۇمىس ٶتٸلٸنٸڭ جوقتىعىن نەمەسە مٷلدە از ەكەندٸگٸن ەسكەرە وتىرىپ, وسى ازاماتتاردى زەينەتاقىمەن قامسىزداندىرۋعا باعىتتالعان.

"بولاشاقتا ولاردىڭ جيىنتىق زەينەتاقىسى ٷش قۇرامداۋىش كٶزدەن, ياعني بازالىق - مەملەكەتتەن, جيناقتاۋشى - بجزق-عا اۋدارعان مٸندەتتٸ زەينەتاقى جارنالارى جەنە شارتتى-جيناقتاۋشى - جۇمىس بەرۋشٸلەردٸڭ جارنالارى ەسەبٸنەن قالىپتاساتىن بولادى", - دەيدٸ قورداعىلار.

بۇعان دەيٸن 2024 جىلدىڭ بارىسىندا قازاقستاندىقتار بجزق-دان 565,5 ملرد تەڭگە شەشٸپ العانىن جازعانبىز.