قازاقستاندا ءبىرىڭعاي جيناقتاۋشى زەينەتاقى قورىنىڭ ينۆەستيسيالىق تابىسى تەڭگەنىڭ نىعايۋىنا بايلانىستى شامامەن 240 ملرد تەڭگەگە ازايدى، دەپ حابارلايدى Dala News.
ۇلتتىق بانك ءتوراعاسىنىڭ ورىنباسارى ءاليا مولدابەكوۆا مالىمەتىنشە، قور اكتيۆتەرىنىڭ شامامەن 40%-ى شەتەل ۆاليۋتاسىندا ورنالاستىرىلعان.
قاڭتار-ناۋرىز ارالىعىندا تەڭگە دوللارعا شاققاندا شامامەن 5،5%-عا نىعايعان. سونىڭ سالدارىنان ۆاليۋتالىق اكتيۆتەر تەڭگەگە شاققاندا قايتا باعالانىپ، كورسەتكىش تومەندەگەن.
ۇلتتىق بانكتە بۇل ناقتى شىعىن ەمەس ەكەنىن اتاپ ءوتتى.
«بۇل – قاعاز جۇزىندەگى قايتا باعالاۋ اسەرى. جالپى ينۆەستيسيالىق تابىس وڭ دەڭگەيدە قالىپ وتىر»، – دەدى مولدابەكوۆا.
جىل باسىنان بەرى قوردىڭ ينۆەستيسيالىق تابىسى شامامەن 272 ملرد تەڭگەنى قۇراعان.
