Қазақстанда Бірыңғай жинақтаушы зейнетақы қорының инвестициялық табысы теңгенің нығаюына байланысты шамамен 240 млрд теңгеге азайды, деп хабарлайды Dala News.
Ұлттық банк төрағасының орынбасары Әлия Молдабекова мәліметінше, қор активтерінің шамамен 40%-ы шетел валютасында орналастырылған.
Қаңтар-наурыз аралығында теңге долларға шаққанда шамамен 5,5%-ға нығайған. Соның салдарынан валюталық активтер теңгеге шаққанда қайта бағаланып, көрсеткіш төмендеген.
Ұлттық банкте бұл нақты шығын емес екенін атап өтті.
«Бұл – қағаз жүзіндегі қайта бағалау әсері. Жалпы инвестициялық табыс оң деңгейде қалып отыр», – деді Молдабекова.
Жыл басынан бері қордың инвестициялық табысы шамамен 272 млрд теңгені құраған.
