Qazaqstanda Biryńǵaı jınaqtaýshy zeınetaqy qorynyń ınvestısıalyq tabysy teńgeniń nyǵaıýyna baılanysty shamamen 240 mlrd teńgege azaıdy, dep habarlaıdy Dala News.
Ulttyq bank tóraǵasynyń orynbasary Álıa Moldabekova málimetinshe, qor aktıvteriniń shamamen 40%-y shetel valútasynda ornalastyrylǵan.
Qańtar-naýryz aralyǵynda teńge dollarǵa shaqqanda shamamen 5,5%-ǵa nyǵaıǵan. Sonyń saldarynan valútalyq aktıvter teńgege shaqqanda qaıta baǵalanyp, kórsetkish tómendegen.
Ulttyq bankte bul naqty shyǵyn emes ekenin atap ótti.
«Bul – qaǵaz júzindegi qaıta baǵalaý áseri. Jalpy ınvestısıalyq tabys oń deńgeıde qalyp otyr», – dedi Moldabekova.
Jyl basynan beri qordyń ınvestısıalyq tabysy shamamen 272 mlrd teńgeni quraǵan.
