قازاقستاننىڭ «قازمۇنايگاز» ۇلتتىق مۇناي كومپانيياسى اتىراۋ وبلىسىنداعى بۇرىنعى يادرولىق پوليگون اۋماعىندا ورنالاسقان «تايسويعان» ۋچاسكەسٸندە العاشقى بارلاۋ ۇڭعىماسىن بۇرعىلاۋدى باستادى, دەپ حابارلايدى Dalanews.kz تەلەگرام ارناداعى دەرەككٶزگە سٸلتەمە جاساپ.
عالىمداردىڭ بولجامى بويىنشا, مۇناي كەن ورنى 749 مىڭ گەكتار اۋماقتى قامتيتىن بۇرىنعى تايسويعان پوليگونىندا ورنالاسقان, ول اتىراۋدان 250 كم قاشىقتىقتا جاتىر. كومپانييا 5600 شارشى كم اۋماقتى قامتيتىن 3D سەيسميكالىق بارلاۋ دەرەكتەرٸ نەگٸزٸندە تەرەڭدٸگٸ 400-3800 مەتر بولاتىن سەگٸز ۇڭعىما بۇرعىلاۋدى جوسپارلاپ وتىر.
بۇعان دەيٸن وسى ٶڭٸردٸڭ فەرمەرلەرٸ مەجٸلٸس دەپۋتاتتارىنا تايسويعاندى ەرەكشە قورعالاتىن تابيعي ايماق رەتٸندە تانىپ, گەولوگييالىق بارلاۋ جۇمىستارىنا تىيىم سالۋدى ۇسىنعان ەدٸ.
ولاردىڭ پٸكٸرٸنشە, بۇل ايماقتاعى جەراستى سۋ قورى مەن جايىلىمدىق جەرلەر ەرەكشە قۇندى, ٶيتكەنٸ نەگٸزٸنەن اۋىل شارۋاشىلىعىنا جارامسىز بولىپ تابىلاتىن اتىراۋ وبلىسى ٷشٸن ماڭىزى زور.
ٷندەۋ اۆتورلارى مۇناي ٶندٸرۋ باستالعان جاعدايدا جەراستى سۋ دەڭگەيٸنٸڭ تٶمەندەپ, جەردٸڭ شٶلەيتتەنۋ قاۋپٸ بار ەكەنٸن العا تارتتى.
الايدا ٶتكەن جىلى ەكولوگييا سالاسىنداعى ۋەكٸلەتتٸ ورگان بۇرعىلاۋ جۇمىستارى جەراستى سۋلارىنا تەرٸس ەسەر ەتپەيدٸ دەگەن قورىتىندى جاساپ, رۇقسات بەرگەن بولاتىن.
رەسمي دەرەكتەرگە سەيكەس, 1966 جىلدان 1977 جىلعا دەيٸن بۇل پوليگوندا 500 مەتر تەرەڭدٸكتە 24 جەر استى يادرولىق جارىلىس جٷرگٸزٸلگەن. مۇندا العاشقى بارلاۋ جۇمىستارى 1999 جىلى باستالعان, نەتيجەسٸندە ۋاز جەنە كوندىباي كەن ورىندارى انىقتالعان.
