حالىقارالىق ٸزدەۋدە جٷرگەن قازاقستاندىق نوۆوسيبيرسكٸدە ۇستالدى, دەپ حابارلايدى Dalanews.kz ٸشكٸ ٸستەر مينيسترلٸگٸنٸڭ باسپاسٶز قىزمەتٸنە سٸلتەپ.
قازاقستان ٸٸم ينتەرپولىنىڭ سۇراۋىمەن رەسەي فەدەراتسيياسىنىڭ نوۆوسيبيرسك قالاسىندا 24 جاستاعى قازاقستاندىق ازامات ۇستالدى.
ول ٷلكەن كٶلەمدە الاياقتىق جاساعانى ٷشٸن حالىقارالىق ٸزدەۋدە جٷرگەن.
كٷدٸكتٸ بىلتىر جازدا الماتىداعى ساۋدا ٷيلەردٸڭ بٸرٸندە تەحنيكا ساتۋشى بولىپ جۇمىس ٸستەپ, ازاماتتارعا موبيلدٸ تەلەفوندار مەن ولاردىڭ اكسەسسۋارلارىن ٶتكٸزۋ سىلتاۋىمەن الاياقتىق جاساعان.
ول 20 ميلليون تەڭگەدەن استام اقشا جىمقىرعان. قازٸرگٸ ۋاقىتتا كٷدٸكتٸ قاماۋدا.
ەسكە سالايىق, بۇعان دەيٸن بانكتەن ٸرٸ كٶلەمدە اقشا ۇرلاعان ەر ادام شۆەتسييادا ۇستالعان بولاتىن.
ول اسا ٸرٸ كٶلەمدە ۇرلىق جاساعانى ٷشٸن حالىقارالىق ٸزدەۋدە بولعان.
2018 جىلدىڭ قازان ايىندا كٷدٸكتٸ الماتى قالاسىنداعى بانكتٸڭ بٸرٸنەن اۋدارىمداردا ماحيناتسييا جاساي وتىرىپ, 55 ميلليون تەڭگە ۇرلاعان.
قازٸرگٸ ۋاقىتتا كٷدٸكتٸ شەتەلدە قاماۋدا وتىر.
