ەكس-مينيستر قۋاندىق بيشٸمباەۆقا قاتىستى بٷگٸنگٸ سوت وتىرىسىندا سوت-مەديتسينا ەكسپەرتٸ تاحير حاليمنازاروۆ جاۋاپ بەرٸپ جاتىر.
ساراپشى پروتسەسس بارىسىندا مانەكەن ارقىلى مارقۇم سالتانات نٷكەنوۆانىڭ ٶلٸمٸنە قانداي جاراقاتتار سەبەپ بولعانىن كٶرسەتتٸ, - دەپ حابارلايدى Dalanews.kz.
تاحير حاليمنازاروۆ سوت وتىرىسى بارىسىندا سۋديانىڭ سۇراقتارىنا دا جاۋاپ بەردٸ.
"قاراپايىم سٶزبەن ايتساق, باسىنا سوققى جاساعانىمەن قوسا, جەبٸرلەنۋشٸنٸ قىلعىندىرعان با?" - دەدٸ سۋديا.
ال ساراپشى بەلگٸلەرٸ بارىن ايتتى.
ارتىنشا سۋديا "مارقۇمنىڭ باسىنا كەم دەگەندە 12-13 رەت سوققى جاسالىپ, ودان كەيٸن قىلعىندىرعان با, دۇرىس پا?" دەپ ناقتىلادى.
"مٷمكٸن. يە (موينىنان قىلعىندىرعان با دەگەن سۇراققا جاۋاپ - ەسك.)", - دەدٸ ەكسپەرت.
بۇعان دەيٸن ساراپشى بۇل جاراقاتتار نٷكەنوۆانىڭ مەيٸتٸن ساراپتاۋ نەتيجەسٸندە انىقتالعانىن ايتقان ەدٸ.
ونىڭ سٶزٸنشە, مۇنىڭ بەرٸ جالپىلاما باس جاراقاتى بولىپ سانالادى. وعان بەتٸندەگٸ جاراقاتتار دا, باس سٷيەگٸندەگٸ جاراقاتتار دا جاتادى.
تاحير حاليمنازاروۆ ٶلٸمنٸڭ سەبەبٸن ايتقان كەزدە وسى جاراقاتتاردىڭ بەرٸن بٸرگە قاراستىرۋ كەرەك ەكەنٸن جەتكٸزدٸ.
