الماتى وبلىسىنىڭ اكىمدىگى مارقۇم بولات نازاربايەۆقا تيەسىلى بولعان تاعى ءبىر ءىرى ساۋدا نىسانىن مەملەكەت مەنشىگىنە قايتارۋعا كىرىستى، دەپ حابارلايدى Dalanews.kz Todayinfo.kz سايتىنا سىلتەپ. 

ءقازىر قاراساي اۋدانىنداعى «بارىس» بازارىنىڭ 36 گەكتار اۋماعىن تولىق يەمدەنۋ ءۇشىن سوت پروسەستەرى ءجۇرىپ جاتىر.

ۇزاق جىلدار بويى نازاربايەۆتار اۋلەتىنىڭ باقىلاۋىندا بولعان بازار اۋماعىندا بۇرىن اۆتوكولىك ساۋداسى قىزعان. ەندى جەرگىلىكتى بيلىك بۇل اۋماقتى ونەركاسىپتىك ماقساتقا پايدالانۋدى كوزدەپ وتىر.

وبلىس اكىمى مارات سۇلتانعازييەۆتىڭ ايتۋىنشا، بازاردىڭ اۋماعى بىرنەشە ادامعا جەكەشەلەنىپ كەتكەن. قازىرگى كەزدە سول ۋچاسكەلەردى مەملەكەتكە قايتارۋ ءۇشىن داۋلى سوت ىستەرى قارالىپ جاتىر.

"اۆتوكولىك بازارى ءتيىمدى جەردە ورنالاسقان، ءبىراق ونىڭ يەلەرى بىرنەشە ادام. ءبىز سوتتاسىپ جاتىرمىز. ەگەر سوت ءبىزدى قولداپ، 36 گەكتاردان استام جەر مەملەكەتكە وتسە، وندا بۇل اۋماقتا ونەركاسىپتىك-يندۋستريالىق ايماق قۇرامىز. ياعني، بۇرىنعى اۆتونارىقتىڭ ورنىنا ءوندىرىس ورىندارى شوعىرلاناتىن بولادى. ءتۇرلى ۇسىنىستار بولدى، ءبىراق ءبىز جۇمىس ورىندارىن قۇرۋدى كوزدەپ، ءوندىرىس باعىتىن تاڭدادىق. ويتكەنى بۇل وڭىردە حالىق تىعىز ورنالاسقان"، – دەدى وبلىس اكىمى.

ايتا كەتەيىك، «بارىس» بازارى الماتى بىشكەك تاس جولىنىڭ بويىندا ورنالاسقان. بۇعان دەيىن ونىڭ ءبىر بولىگى مەملەكەت مەنشىگىنە وتكەن، دەگەنمەن بازار جۇمىسى ءالى توقتاعان جوق.