شىعىس قازاقستان وبلىسىنىڭ اكىمى نۇرىمبەت ساقتاعانوۆ شىعىسقازاقستاندىق مەتاللۋرگتەردى كاسىبي مەرەكەسىمەن قۇتتىقتادى،- دەپ حابارلايدى Dalanews.kz
"بارشاڭىزدى كاسىبي مەرەكەلەرىڭىز – مەتاللۋرگتەر كۇنىمەن شىن جۇرەكتەن قۇتتىقتايمىن! بيىل ەلىمىزدە جۇمىسشى ماماندىقتارىنىڭ مارتەبەسىن ارتتىرۋعا باعىتتالعان ماڭىزدى جوبالار جۇزەگە اسىرىلۋدا. مەتاللۋرگيا – ونەركاسىپتىڭ جۇرەگى، ءوڭىر ەكونوميكاسىنىڭ نەگىزى. قازاقستاننىڭ يندۋستريالىق دامۋىنا مەتاللۋرگتەردىڭ قوسقان ۇلەستەرى باعا جەتپەس. بۇگىندە مەتاللۋرگيا ەلىمىزدىڭ ەكونوميكاسىنداعى جەتەكشى سالالاردىڭ ءبىرى بولىپ قالىپ وتىر"، – دەپ اتاپ ءوتتى وبلىس باسشىسى.
ءوڭىردىڭ ونەركاسىپتىك الەۋەتىنىڭ شامامەن 60%-ى بازالىق سالا – ءتۇستى مەتاللۋرگياعا تيەسىلى. قازاقستانداعى مىرىش شيكىزاتىنىڭ 100%-ى مەن اففينيرلەنگەن كۇمىستىڭ 70%-ى شقو-دا وندىرىلەدى. وبلىستا 70-تەن استام ونەركاسىپ كاسىپورنى جۇمىس ىستەيدى، ولاردىڭ 80%-ى – وڭدەۋ سەكتورى.
الەمدە نەبارى ءۇش بەريلليي وندىرەتىن كاسىپورىن، ال تمد ەلدەرىندە بەس تانتال وندىرەتىن ءوندىرىس بار، سولاردىڭ ءبىرى – ءۇلبى مەتاللۋرگيا زاۋىتى. بۇل – تمد ەلدەرىندەگى تانتال ءونىمىن شىعاراتىن جالعىز كاسىپورىن جانە بۇل كاسىورىننىڭ جىلىنا 200 توننا ۋران وندىرەتىن اتوم ەلەكتر ستانسيالارىنا ارنالعان وتىن دايىندايتىن بىرەگەي ءوندىرىسى بار.
شىعىس قازاقستاننىڭ ەرەكشە ماقتانىشى – سيرەك جانە ستراتەگيالىق ماڭىزى بار مەتالداردى وندىرەتىن كاسىپورىندارى «قازسينك»، ءۇلبى مەتاللۋرگيالىق زاۋىتى، تيتان-ماگنيي كومبيناتى، «ۆوستوكسۆەتمەت» جانە باسقا دا كاسىپورىندار وتاندىق ونەركاسىپتىڭ فلاگماندارى سانالادى.
"سىزدەر وندىرەتىن ءونىم قازاقستاندا عانا ەمەس، الەمنىڭ ءىرى نارىقتارىندا دا سۇرانىسقا يە. سىزدەردىڭ كاسىبيلىكتەرىڭىز، جاۋاپكەرشىلىكتەرىڭىز بەن ءوز ىسىنە دەگەن ادالدىقتارىڭىز – كاسىپورىنداردىڭ تۇراقتى جۇمىسى مەن العا باسۋىنىڭ نەگىزى. ەل دامۋى مەن حالىقتىڭ ءال-اۋقاتىنا قوسقان ەڭبەكتەرىڭىز وراسان. بۇل سالانىڭ ىرگەسىن قالاعان ارداگەرلەرگە دە العىسىمىز شەكسىز. مەتاللۋرگيا سالاسى جاڭا جەتىستىكتەرگە جەتىپ، ەلىمىزدىڭ دامۋىنا جاڭا سەرپىن بەرسىن!"، – دەدى وبلىس باسشىسى.
مەتاللۋرگتەر كۇنىنە ارنالعان سالتاناتتى جيىندا سالا ۇزدىكتەرىن ماراپاتتاۋ ءراسىمى ءوتتى.
«ەڭبەك داڭقى» III دارەجەلى وردەنىمەن «ۆوستوكسۆەتمەت» ج ش س ارتەميەۆ كەنىشى جەر استى ۋچاسكەسىنىڭ تاۋ-كەن شەبەرى سەرىكقان تولەۋبايەۆ پەن «قازسينك» ج ش س مىس زاۋىتىنىڭ بالقىتۋشىسى كازەز بەكشەنتايەۆ ماراپاتتالدى.
«ەرەن ەڭبەگى ءۇشىن» مەدالى «قازسينك» ج ش س مالەيەۆ كەنىشى تيەۋ-جەتكىزۋ ماشيناسىنىڭ ءماشينيسى رۋسلان قارىقبايەۆقا تابىستالدى.
شىعىس قازاقستان وبلىسى اكىمىنىڭ العىس حاتىمەن «ءۇلبى مەتاللۋرگيالىق زاۋىتى» اق ۋران ءوندىرىسى اپپاراتشىسى ميحايل ءماترونين، «وسكەمەن تيتان-ماگنيي كومبيناتى» اق №3 سەحىنىڭ پەششىسى يۋريي كۋليكوۆ، «تمك» اق №12 سەحىنىڭ بالقىتۋشىسى ازامات قوجاحمەتوۆ، «ۆوستوكسۆەتمەت» ج ش س ەرتىس كەنىشى ءماشينيسى نۇرلان ەسىمبەكوۆ، «ۆوستوكسۆەتمەت» ج ش س ارتەميەۆ شاحتاسىنىڭ ءماشينيسى ارحات كوپجاساروۆ ماراپاتتالدى.
