Shyǵys Qazaqstan oblysynyń ákimi Nurymbet Saqtaǵanov shyǵysqazaqstandyq metallýrgterdi kásibi merekesimen quttyqtady,- dep habarlaidy Dalanews.kz
"Barshańyzdy kásibi merekelerińiz – Metallýrgter kúnimen shyn júrekten quttyqtaimyn! Biyl elimizde jumysshy mamandyqtarynyń mártebesin arttyrýǵa baǵyttalǵan mańyzdy jobalar júzege asyrylýda. Metallýrgiia – ónerkásiptiń júregi, óńir ekonomikasynyń negizi. Qazaqstannyń indýstriialyq damýyna metallýrgterdiń qosqan úlesteri baǵa jetpes. Búginde metallýrgiia elimizdiń ekonomikasyndaǵy jetekshi salalardyń biri bolyp qalyp otyr", – dep atap ótti oblys basshysy.
Óńirdiń ónerkásiptik áleýetiniń shamamen 60%-y bazalyq sala – tústi metallýrgiiaǵa tiesili. Qazaqstandaǵy myrysh shikizatynyń 100%-y men affinirlengen kúmistiń 70%-y ShQO-da óndiriledi. Oblysta 70-ten astam ónerkásip kásiporny jumys isteidi, olardyń 80%-y – óńdeý sektory.
Álemde nebári úsh berillii óndiretin kásiporyn, al TMD elderinde bes tantal óndiretin óndiris bar, solardyń biri – Úlbi metallýrgiia zaýyty. Bul – TMD elderindegi tantal ónimin shyǵaratyn jalǵyz kásiporyn jáne bul kásiorynnyń jylyna 200 tonna ýran óndiretin atom elektr stantsiialaryna arnalǵan otyn daiyndaityn biregei óndirisi bar.
Shyǵys Qazaqstannyń erekshe maqtanyshy – sirek jáne strategiialyq mańyzy bar metaldardy óndiretin kásiporyndary «Qaztsink», Úlbi metallýrgiialyq zaýyty, titan-magnii kombinaty, «Vostoktsvetmet» jáne basqa da kásiporyndar otandyq ónerkásiptiń flagmandary sanalady.
"Sizder óndiretin ónim Qazaqstanda ǵana emes, álemniń iri naryqtarynda da suranysqa ie. Sizderdiń kásibilikterińiz, jaýapkershilikterińiz ben óz isine degen adaldyqtaryńyz – kásiporyndardyń turaqty jumysy men alǵa basýynyń negizi. El damýy men halyqtyń ál-aýqatyna qosqan eńbekterińiz orasan. Bul salanyń irgesin qalaǵan ardagerlerge de alǵysymyz sheksiz. Metallýrgiia salasy jańa jetistikterge jetip, elimizdiń damýyna jańa serpin bersin!", – dedi oblys basshysy.
Metallýrgter kúnine arnalǵan saltanatty jiynda sala úzdikterin marapattaý rásimi ótti.
«Eńbek Dańqy» III dárejeli ordenimen «Vostoktsvetmet» JShS Artemev kenishi jer asty ýchaskesiniń taý-ken sheberi Serikqan Tóleýbaev pen «Qaztsink» JShS mys zaýytynyń balqytýshysy Kazez Bekshentaev marapattaldy.
«Eren eńbegi úshin» medali «Qaztsink» JShS Maleev kenishi tieý-jetkizý mashinasynyń mashinisi Rýslan Qaryqbaevqa tabystaldy.
Shyǵys Qazaqstan oblysy ákiminiń Alǵys hatymen «Úlbi metallýrgiialyq zaýyty» AQ ýran óndirisi apparatshysy Mihail Matrionin, «Óskemen titan-magnii kombinaty» AQ №3 tsehynyń peshshisi Iýrii Kýlikov, «TMK» AQ №12 tsehynyń balqytýshysy Azamat Qojahmetov, «Vostoktsvetmet» JShS Ertis kenishi mashinisi Nurlan Esimbekov, «Vostoktsvetmet» JShS Artemev shahtasynyń mashinisi Arhat Kópjasarov marapattaldy.
