ۇلتتىق اۋديتورلىق پالاتانىڭ "سامۇرىق-قازىنا" قورىنىڭ قىزمەتىنە جۇرگىزگەن ءاۋديتىنىڭ قورىتىندىسى جىلدىڭ ءىىى-توقسانىندا، ياعني قىركۇيەكتە دەپۋتاتتار جۇمىسقا شىققان سوڭ، پارلامەنت قابىرعاسىندا تالقىلانادى، دەپ حابارلايدى Dalanews.kz.
بۇل تۋرالى ۇكىمەت باسشىسى ولجاس بەكتەنوۆتىڭ ءماجىلىس دەپۋتاتتارىنا بەرگەن جاۋابىندا ايتىلادى، دەپ حابارلايدى informburo.kz.
پرەمەر-مينيستردىڭ مالىمقتىنە سايكەس، بۇگىندە قوردىڭ اكتيۆتەرىنىڭ جالپى قۇنى 41،1 ترلن تەڭگەگە تەڭ. قازىرگى تاڭدا قور ستراتەگيالىق حولدينگ باسقارۋ ءتاسىلىن قولدانسا، 2030 جىلعا قاراي ول ينۆەستيسيالىق حولدينگ باسقارۋ تاسىلىنە كوشۋى ءتيىس. قازىرگى تاڭدا دايىندىق جۇمىستارى ءجۇرىپ جاتىر.
"قوردىڭ قۇرامىندا پورتفەلدىك كومپانيالاردىڭ بولۋى ونىڭ ينۆەستيسيالىق تارتىمدىلىعىن ارتتىرادى. الەمدىك تاجىريبە كورسەتكەندەي، تاۋەلسىز قوردىڭ قۇرامىندا بولۋ كومپانيالاردىڭ قۇنىن 15 پايىزعا دەيىن ارتتىرادى. مەملەكەت باسشىسىنىڭ تاپسىرماسىنا سايكەس، 2022 جىلدان بەرى قور ەكى كەزەڭدىك رەفورمالاۋدان ءوتتى. ءبىرىنشى كەزەڭدە قوردىڭ قىزمەتكەرلەرىنىڭ سانى ەكى ەسە قىسقارىپ، شەتەلدەگى وكىلدىكتەرى جويىلدى. ال ەكىنشى كەزەڭدە پورتفەلدىك كومپانيالاردىڭ تيىمدىلىگىن ارتتىرۋ جۇمىستارى ءجۇرىپ جاتىر"، دەلىنگەن ۇكىمەت باسشىسىنىڭ جاۋابىندا.
سونداي-اق، پرەمەر-مينيستر بيىل جىل سوڭىنا دەيىن "قازاقستان تەمىر جولى" كومپانياسىنىڭ، ال 2026-2027 جىلدارى QazaqGaz كومپانياسىنىڭ اكسيالارى IPO-عا شىعارىلاتىنىن ەسكە سالدى.
بۇعان دەيىن سايتىمىزدا "وڭباي سىنعا ۇشىراپ جاتقان "سامۇرىق-قازىنا" اقىرى ءۇن قاتتى" دەگەن ماتەريال جاريالانعان بولاتىن.
