الماتى قىتاي تۋروپەراتورلارىنىڭ نازارىن ٶزٸنە اۋدارىپ وتىر. بەيجٸڭدە ٶتكەن Beijing International Tourism Expo (BITE 2025) حالىقارالىق تۋريستٸك كٶرمەسٸنٸڭ قورىتىندىسى بويىنشا مەگاپوليسكە قىتاي حالىق رەسپۋبليكاسىنان 2025-2026 جىلدارى 36 مىڭنان استام تۋريست تارتۋدى كٶزدەيتٸن 30 كەلٸسٸمگە قول قويىلدى. بۇل تۋرالى قالالىق تۋريزم باسقارماسى مەلٸمدەدٸ,- دەپ حابارلايدى Dalanews.kz
قىتاي الماتى ٷشٸن تۋريزم باعىتىنداعى ماڭىزدى نارىقتاردىڭ بٸرٸ. 2024 جىلى شاھارعا قىتايدان 99 167 تۋريست كەلگەن. بۇل شەتەلدٸك قوناقتاردىڭ جالپى سانىنىڭ 14,4%-ى.
ايتا كەتەيٸك, 2025 جىلى 27-29 ماۋسىمى ارالىعىندا الماتى ٶزٸنٸڭ تۋريستٸك ەلەۋەتٸن ازييا-تىنىق مۇحيتى ايماعىنداعى ەڭ ٸرٸ ٸس-شارانىڭ بٸرٸ BITE 2025 كٶرمەسٸندە تانىستىردى. اتالعان كٶرمەگە 60-تان استام ەلدٸڭ ٶكٸلدەرٸ قاتىستى. الماتىنىڭ ستەندٸنە كەلگەن قوناقتار قالا مەدەنيەتٸمەن جاقىنىراق تانىستى: قازاقتىڭ ۇلتتىق مۋزىكاسى شىرقالىپ, دەستٷرلٸ اس مەزٸرٸ ۇسىنىلدى, قولٶنەر بۇيىمدارى مەن تاريحي ٷلگٸدە جاسالعان زەرگەرلٸك ەشەكەيلەر قويىلدى.
كٶرمە قورىتىندىسى بويىنشا الماتى ستەندٸ مازمۇنى مەن جوعارى دەڭگەيدە ۇيىمداستىرىلعانى ٷشٸن ارنايى Best Organizing Award جٷلدەسٸنە لايىق دەپ تانىلدى.
BITE 2025 كٶرمەسٸنە قاتىسۋ الماتىنى دەستٷرٸ باي, مەدەنيەتٸ كەمەل جەنە زاماناۋي تۋريستٸك ينفراقۇرىلىمى دامىپ كەلە جاتقان ەرەكشە باعىت رەتٸندە حالىقارالىق ارەنادا ناسيحاتتاۋدىڭ ماڭىزدى قادامىنا اينالدى.
