Almaty Qytaı týroperatorlarynyń nazaryn ózine aýdaryp otyr. Beıjińde ótken Beijing International Tourism Expo (BITE 2025) halyqaralyq týrısik kórmesiniń qorytyndysy boıynsha megapolıske Qytaı Halyq Respýblıkasynan 2025-2026 jyldary 36 myńnan astam týrıs tartýdy kózdeıtin 30 kelisimge qol qoıyldy. Bul týraly qalalyq týrızm basqarmasy málimdedi,- dep habarlaıdy Dalanews.kz

Qytaı Almaty úshin týrızm baǵytyndaǵy mańyzdy naryqtardyń biri. 2024 jyly shaharǵa Qytaıdan 99 167 týrıs kelgen. Bul sheteldik qonaqtardyń jalpy sanynyń 14,4%-y.

Aıta keteıik, 2025 jyly 27-29 maýsymy aralyǵynda Almaty óziniń týrısik áleýetin Azıa-Tynyq muhıty aımaǵyndaǵy eń iri is-sharanyń biri BITE 2025 kórmesinde tanystyrdy. Atalǵan kórmege 60-tan astam eldiń ókilderi qatysty. Almatynyń stendine kelgen qonaqtar qala mádenıetimen jaqynyraq tanysty: qazaqtyń ulttyq mýzykasy shyrqalyp, dástúrli as máziri usynyldy, qolóner buıymdary men tarıhı úlgide jasalǵan zergerlik áshekeıler qoıyldy.

Kórme qorytyndysy boıynsha Almaty stendi mazmuny men joǵary deńgeıde uıymdastyrylǵany úshin arnaıy Best Organizing Award júldesine laıyq dep tanyldy.

BITE 2025 kórmesine qatysý Almatyny dástúri baı, mádenıeti kemel jáne zamanaýı týrısik ınfraqurylymy damyp kele jatqan erekshe baǵyt retinde halyqaralyq arenada nasıhattaýdyń mańyzdy qadamyna aınaldy.