كەلەس اۋدانىندا تۇرعىنداردىڭ ءومىر ءسۇرۋ ساپاسىن جاقسارتۋ ماقساتىندا ءبىرقاتار جوبالار قولعا الىنعان،- دەپ حابارلايدى Dalanews.kz

اتاپ ايتساق، الپامىس باتىر اۋىلدىق وكرۋگىندەگى قاۋىنشى اۋىلىندا 2000 ورىندىق سپورت كەشەنىن سالۋ، اقجول اۋىلىندا 150 ورىندىق مادەنيەت ءۇيى مەن كىتاپحانا جانە 100 ورىندىق بالاباقشا سالۋ كوزدەلۋدە. سونداي-اق، جەكە ينۆەستيسيا ەسەبىنەن سىيىمدىلىعى 3400 توننالىق توڭازىتقىش قويماسى مەن تىگىن سەحىنىڭ قۇرىلىستارى باستالدى. قويما 2025-2026 جىلدار ارالىعىندا ىسكە اسادى دەپ جوسپارلانعان. جوبا قۇنى 800 ملن تەڭگەنى قۇرايدى.

سونىمەن قاتار، اتالعان ەلدى مەكەندەردى تازا اۋىز سۋمەن قامتۋ ماقساتىندا قۇرىلىس جۇمىستارى قولعا الىنىپ، اياقتالۋعا جاقىن. بۇگىندە ەلدى مەكەندەردىڭ ىشكى سۋ قۇبىرلارىن قوسۋ جۇمىستارى دا جالعاسۋدا. سونىمەن قاتار، ەلەكتر جەلىلەرىن جاڭارتۋ جانە ترانسفورماتور ورناتۋ جۇمىستارى جوسپارعا سايكەس ورىندالىپ جاتىر. ودان بولەك، كوشەلەردى جارىقتاندىرۋ باعىتىندا ءتيىستى جۇمىستار اتقارىلعان. جول ينفراقۇرىلىمىن جاقسارتۋ ماقساتىندا ءبىرقاتار كوشەلەرگە اسفالت توسەلىپ، تاس توسەۋ جۇمىستارى دا جۇرگىزىلگەن.

جالپى، الپامىس باتىر اۋىلدىق وكرۋگى بويىنشا بيىل 1282 گەكتار جەرگە اۋىل شارۋاشىلىعى داقىلدارى ەگىلگەن. سونداي-اق، «اۋىل اماناتى» باعدارلاماسى اياسىندا «ەر-تايىر» اۋىل شارۋاشىلىق وندىرىستىك كووپەراتيۆى ءجۇزىم شارۋاشىلىعىن دامىتۋ جوباسىن ىسكە اسىرىپ جاتىر. قازىرگى تاڭدا 5 گەكتارعا ءجۇزىم كوشەتتەرى وتىرعىزىلعان.