استانادا پەريزات قايرات پەن ونىڭ اناسىنا قاتىستى سوت پروتسەسٸ جالعاسىپ جاتىر. بۇل جولى جەبٸرلەنۋشٸلەر سوتقا قاتىسقان جوق. ولاردىڭ كٶرسەتٸلٸمدەرٸن پروكۋرور وقىپ بەردٸ, دەپ حابارلايدى Dalanews.kz.
جەبٸرلەنۋشٸلەر قاتارىندا ماڭعىستاۋ وبلىسىنىڭ قازىناشىلىق دەپارتامەنتٸ دە بار. دەپارتامەنت قىزمەتكەرلەرٸ سۋ تاسقىنىنان زارداپ شەككەندەرگە كٶمەكتەسۋ ٷشٸن 231 500 تەڭگە جيناپ, ونى Biz Birgemiz Qazaqstan 2030 قايىرىمدىلىق قورىنا اۋدارعان. اۋدارىمدى دەپارتامەنت باسشىسى ماناربەك بۇحارباەۆ ٶزٸنٸڭ جەكە شوتىنان جٷرگٸزگەن.
سونداي-اق سوتتا باسقا جەبٸرلەنۋشٸلەردٸڭ دە مەلٸمدەمەلەرٸ جارييا ەتٸلدٸ:
– تالدىقورعانداعى قۇس فابريكاسىنىڭ بٸر قىزمەتكەرٸ قورعا 60 مىڭ تەڭگە اۋدارعان;
– ANEKO L كومپانيياسى ەلەۋمەتتٸك جەلٸلەردەگٸ قوردىڭ بەلسەندٸ جارناماسىنا سەنٸپ, 3 ميلليون تەڭگە كٶلەمٸندە قايىرىمدىلىق جاساعان.
وسىدان كەيٸن سوت پروتسەسٸ جابىق رەجيمگە اۋىستىرىلدى. سەبەبٸ تاراپتار اراسىندا بانك قۇپيياسىنا قاتىستى مەلٸمەتتەر قاراستىرىلدى.
ايتا كەتەيٸك, بۇعان دەيٸن سوت وتىرىسىندا قايراتقا 200 ملن تەڭگە اۋدارعان كومپانييانىڭ ٶكٸلٸ گاليا يساەۆا سٶز سٶيلەگەن ەدٸ. ونىڭ ايتۋىنشا, سول كەزەڭدە كومپانييانى پەريزات قايراتتىڭ ەلەۋمەتتٸك جەلٸدەگٸ بەلسەندٸ جارناماسى سەندٸرگەن.
"پرەزيدەنتتٸڭ سۋ تاسقىنى كەزٸندە جاساعان ٷندەۋٸنەن كەيٸن باسشىلىق زارداپ شەككەندەرگە كٶمەك كٶرسەتۋ تۋرالى شەشٸم قابىلدادى. بٸزگە Biz Birgemiz قورى سەنٸمدٸ ۇيىم بولىپ كٶرٸندٸ. 10 مامىر كٷنٸ اكتسيونەرلٸك قوعامنىڭ شوتىنان قورعا 200 ملن تەڭگە اۋداردىق. پەريزات قايراتتىڭ اتىنان جارييالانعان جارنامادا نەسيە تٶلەمدەرٸن توقتاتۋ تۋرالى ٷندەۋ دە بولدى. بۇل دا ەسەر ەتتٸ – شىن مەنٸندە, حالىققا جانى اشيتىن ادام سيياقتى كٶرٸندٸ", – دەدٸ يساەۆا.
سونىمەن قاتار Jusan Bank پەريزات قايراتتىڭ قورىن تەكسەرمەستەن 300 ملن تەڭگە اۋدارعانى تۋرالى مەلٸمدەگەن ەدٸ.
پەريزات قايراتقا قاتىستى ٷش ەپيزودتىڭ بٸرٸندە ول سۋ تاسقىنىنان زارداپ شەككەندەرگە كٶمەك كٶرسەتۋ ٷشٸن شامامەن 2,9 ملرد تەڭگە جيناپ, ونىڭ تەك 920 ملن تەڭگەسٸن عانا ماقساتتى تٷردە جۇمسادى دەپ ايىپ تاعىلدى.
وسى ناۋقان اياسىندا First Heartland Jusan Bank (قازٸرگٸ اتاۋى Alatau City Bank) 300 ملن تەڭگە كٶلەمٸندە قايىرىمدىلىق كٶمەك كٶرسەتكەن. بانكتٸڭ ٶكٸلٸ بەيبٸت جوراباەۆتىڭ ايتۋىنشا, ولارعا BizBirgemiz Qazaqstan 2030 قورىنان پەريزات قايراتتىڭ قولى قويىلعان حات كەلگەن. وندا قايىرىمدىلىق كٶمەك سۇرالعان. بۇل مەسەلە بانكتٸڭ باسقارما وتىرىسىندا قارالىپ, قاراجات قايىرىمدىلىق رەتٸندە اۋدارىلعان.
الايدا پەريزات قايرات بۇل باستامانىڭ بانكتٸڭ ٶزٸنەن شىققانىن ايتادى. وسىعان بايلانىستى ول سوتتان PR قىزمەتٸنٸڭ ٶكٸلٸ ميحايل ەگورمەن بەتتەسۋگە مٷمكٸندٸك بەرۋدٸ سۇرادى. ايتۋىنشا, دەل سول اداممەن كەلٸسسٶز جٷرگٸزگەن.
بانك بۇل ٸسكە جەبٸرلەنۋشٸ تاراپ رەتٸندە تانىلعان. ونىڭ اتىنان سوتتا جوراباەۆ كۋەلٸك بەردٸ.
قورعاۋشى اسلانبەك داۆلەتياروۆ سوت وتىرىسىندا بانكتەن: نەلٸكتەن دەل سول 300 ملن تەڭگە ۇرلاندى دەپ سەنٸمدٸ ايتاسىزدار, بەلكٸم ول قاراجات شىن مەنٸندە زارداپ شەككەندەرگە جۇمسالعان شىعار? – دەپ سۇرادى. ونىڭ سٶزٸنشە, قايرات 2024 جىلدىڭ 2 سەۋٸرٸ مەن 18 شٸلدەسٸ ارالىعىندا 1 ملرد تەڭگەدەن استام قارجىنى موتورلى جەنە ٷرمەلٸ قايىقتارعا, گەنەراتورلارعا, كيٸز ٷيلەرگە, ازىق-تٷلٸك پەن تەحنيكالارعا جۇمساعان.
"بٸز تەرگەۋ ماتەريالدارىمەن تانىستىق, تەرگەۋ زاڭ اياسىندا جٷرگٸزٸلگەنٸنە كٶز جەتكٸزدٸك. تەرگەۋشٸ ۇسىنعان بارلىق قۇجاتتاردى وقىدىق. بٸراق ناقتى بٸزدٸڭ قاراجات قايدا جۇمسالعانىن زەرتتەگەن جوقپىن, سوندىقتان بۇل سۇراققا ناقتى جاۋاپ بەرە المايمىن", – دەدٸ جوراباەۆ.
سونداي-اق قورعاۋشى بانكتەن: نەلٸكتەن ٸرٸ قارجى ۇيىمى 1–2 ملن تەڭگەنٸ دە مۇقييات تەكسەرٸپ بارىپ اۋداراتىنىنا قاراماستان, قايراتتىڭ بٸر عانا حاتىنا سەنٸپ, 300 ملن تەڭگەنٸ اۋداردى? – دەپ سۇراق قويدى. جوراباەۆ بۇل شەشٸم بانكتٸڭ باسقارما دەڭگەيٸندە قابىلدانعانىن ايتتى. ونىڭ سٶزٸنشە, سول كەزدە سۋ تاسقىنىنان تٸپتٸ بانكتٸڭ كەيبٸر بٶلٸمشەلەرٸ دە زارداپ شەككەن, سوندىقتان ولار كٶمەك بەرۋگە نيەت بٸلدٸرگەن.
ال كٷنٸ كەشە نزم پەريزات قايراتتىڭ قورىنا 2,9 ميلليون تەڭگە اۋدارعانى بەلگٸلٸ بولدى. سوتتا نازارباەۆ زيياتكەرلٸك مەكتەبٸنٸڭ (NIS) پەداگوگ-ۇيىمداستىرۋشىسى, كۋراتور جانەركە سەتكٸمبەكوۆا كۋە رەتٸندە جاۋاپ بەرگەن ەدٸ.
ونىڭ ايتۋىنشا, اتا-انالار, وقۋشىلار مەن ۇستازدار اتالعان قورعا 2,9 ميلليون تەڭگە كٶلەمٸندە قاراجات اۋدارعان. بۇل تٶلەم 2024 جىلدىڭ 10 سەۋٸرٸندە بانك قوسىمشاسى ارقىلى ونلاين جاسالعان.
