قازاقستاندا 20 شىلدە مەتاللۋرگ كۇنى بولىپ بەلگىلەندى،- دەپ حابارلايدى Dalanews.kz
بۇگىنگى تاڭدا مەتاللۋرگيا قازاقستاننىڭ جەتەكشى جانە پەرسپەكتيۆالى سالالارىنىڭ ءبىرى بولىپ تابىلادى.
شىلدەنىڭ ءار ءۇشىنشى جەكسەنبىسىندە قازاقستاندا ەڭبەگى مەتالل وندىرۋمەن بايلانىستى ادامدار: بولات جاساۋشىلار، قۇيۋشىلار، دومەنشىلەر، تەمىر ۇستالارى، قالىپتاۋشىلار، پروكاتشىلار جانە باسقالار وزدەرىنىڭ كاسىبي مەرەكەلەرىن اتاپ وتەدى. وسى جانە باسقا دا كوپتەگەن ماماندىقتاردى مەتاللۋرگيا بىرىكتىرەدى.
مەرەكەنى ءتيىستى بەيىندەگى عىلىمي-زەرتتەۋ ورتالىقتارىندا مەتاللۋرگيا سالاسىندا جۇمىس ىستەيتىن عىلىمي سالا وكىلدەرى، كەن وندىرەتىن كەنشىلەر، سونداي-اق مەتاللۋرگيا كاسىپورىندارىندا جۇمىس ىستەيتىندەردىڭ بارلىعى اتاپ وتەدى.
قازاقستانداعى مەتاللۋرگ كۇنى رەسپۋبليكا پرەزيدەنتىنىڭ جارلىعىمەن 2003 جىلى قۇرىلدى. تاريحي داستۇرلەرگە ادال بولا وتىرىپ، قازاقستان شىلدەنىڭ ءاربىر ءۇشىنشى جەكسەنبىسىندە مەتاللۋرگتەردىڭ كاسىبي مەرەكەسىن مەرەكەلەۋ كۇنى رەتىندە ساقتاپ قالدى.
