تٸكەلەي ەفيرگە № 44 كٸتاپحانانىڭ وقىرماندارى, ورتالىقتاندىرىلعان كٸتاپحانالار جٷيەسٸنٸڭ كٸتاپحاناشىلارى, سونىمەن قاتار «قازاق اۆتوموبيل - جول» ينستيتۋتىنىڭ پروفەسسورى ت.ب. نۇرپەيٸسوۆا, تەربيە ٸسٸ جٶنٸندەگٸ دەكان ورىنباسارى, پەداگوگيكا ماگيسترٸ گ.بايماعامبەتوۆا مەن 1-كۋرس ستۋدەنتتەرٸ دە قاتىستى.
ٶتكەن 2019 جىلى قالا كٷنٸنە وراي ورتالىقتاندىرىلعان كٸتاپحانالار جٷيەسٸنٸڭ ۇيىمداستىرعان «الماتى وقىرمان قالا» اكتسيياسى اياسىندا ٶتكەن اقىن-جازۋشىلارمەن كەزدەسۋدەن كەيٸن اۆتوردىڭ تۆورچەستۆوسىنا قىزىعۋشىلار كٶبەيٸپ, جازۋشىنىڭ «ٶمٸر سٷرگٸم كەلەدٸ», «ٶمٸر سٷرسەم... كەش ەمەس» دەگەن كٸتاپتارىن كەزەككە جازىلىپ, قولدان˗قولعا تيگٸزبەي وقيتىن وقىرماندار قاتارى كٶبەيگەن ەدٸ.
سوندىقتان №44 كٸتاپحاناسىنىڭ قىزمەتكەرلەرٸنٸڭ زاماناۋي تاقىرىپتارعا قالام تارتقان قالامگەردٸڭ ينتەرنەت جٷيەسٸندە ٶتكٸزگەن بۇل كەزدەسۋٸ دە قىزىقتى ٶتتٸ. ەلقيسساسىن «رۋحاني جاڭعىرۋدان» باستاعان اۆتور ٶز وقىرماندارىنا ەلٸمٸزدٸڭ تەۋەلسٸزدٸگٸ عاسىرلار بويى اتا˗بابامىزدىڭ اسىل ارمانى بولعانىن ايتا كەلٸپ, وسى باسىمىزعا قونعان باقتى ۇشىرىپ الماي, ۇستاپ قالۋ – جاستارىمىزدىڭ مٸندەتٸ ەكەنٸن, ۇلتتىق كود پەن عاسىرلار بويى قالىپتاسقان ۇلتتىق مەدەنيەتٸمٸزدٸ جوعالتىپ الماي, ارى قاراي دامىتۋ, الىپ جٷرۋ بٸلٸمدٸ جاستاردىڭ وسى زامانعا لايىق, سانالى ازامات بولىپ قالىپتاسۋىنا بايلانىستى ەكەنٸن باسا ايتتى.
XX عاسىرداعى قازاق حالقىنىڭ باسىنا تٷسكەن تاۋقىمەتتەردٸ جەكە˗جەكە اتاي كەلٸپ, وسى اقتاڭداقتاردى جويۋدىڭ جولى, قازاق حالقىنىڭ بولاشاعى, بار ٷمٸتٸ جاستاردىڭ قولىندا ەكەنٸن قاداپ ايتتى.
ۇلتتىق دامۋدىڭ عاسىرلار بويى جالعاسىپ كەلە جاتقان ٶز جولىن تانۋ ٷشٸن كٶركەم ەدەبيەتتٸ كٶپ وقۋ كەرەك ەكەنٸن, وسى جولدا جاسالىنىپ جاتقان اقىن, جازۋشىلاردىڭ جانكەشتٸ ەڭبەكتەرٸنٸڭ باعالانۋى كەرەك ەكەنٸن تٸلگە تيەك ەتتٸ. ٶز جەرٸندە سولاقاي ساياساتتىڭ كەسٸرٸنەن ازشىلىققا ۇشىراعان قازاق حالقىنىڭ دەموگرافييالىق اقۋالىن دا, ەكولوگييالىق اپاتتان دا قۇتقاراتىن, ورنىنا كەلتٸرەتٸن, جولىن تاباتىن بٸلٸمدٸ, سانالى جاستار ەكەنٸن ايتا كەتتٸ. قازاق تٸلٸ مەن مەدەنيەتٸ قۇردىمعا كەتپەۋٸ ٷشٸن جاستارىمىزدىڭ بٸلٸمدٸ, وتانسٷيگٸش, ەل ازاماتى بولۋعا ۇمتىلۋى كەرەك ەكەنٸن ايتتى.
وسى قيىنشىلىقتاردى ارقاۋ ەتٸپ, زامانداستارىمىزدىڭ كٶركەم بەينەسٸن سومداعان شىعارمالارىنا توقتالىپ, تانىستىردى, جاتىق تٸلمەن ەڭگٸمەلەپ بەردٸ.
زامانىمىزدىڭ ەڭ ٷلكەن قاسٸرەتٸ – ٸسٸك اۋرۋىنا شالدىققان ناۋقاستار جايلى جازىلعان, ەڭ كٶپ وقىلعان, وقىرمانداردىڭ جٷرەگٸنەن جول تاپقان «قورقىنىش» دەگەن ەڭگٸمەسٸنٸڭ ستسەنارييٸن جازعانىن, دراماتۋرگييانىڭ كوريفەيٸ ە.وباەۆتىڭ تانىسىپ, «كينو تٷسٸرسەڭ بولادى!» دەپ, ٶز پٸكٸرٸن بٸلدٸرگەنٸن, ەرٸ جۇمىسىنىڭ قاۋرىتتىعىنا قاراماي, ٷلكەن كٸسٸنٸڭ بٸردەن وقىپ بەرگەنٸن ٷلكەن سٷيٸسپەنشٸلٸكپەن وقىرماندارىنا ەڭگٸمەلەپ بەردٸ.
ٷلكەن ٸلتيپاتپەن كٶكٸرەگٸنە قولىن قويىپ, قيماي قوشتاسقان جازۋشىمەن كەڭٸستٸكتەگٸ كەزدەسۋ وسىلاي, بٸردەمدە ٶتٸپ كەتتٸ.
