جاھاندى جايلاعان كوروناۆيرۋس پاندەمياسى كەزىندە سەمەيدەن 300 شاقىرىم شالعايداعى ابىرالى ءوڭىرىنىڭ تۇرعىندارىمەن كەزدەسىپ، قيىن ساتتە جەرلەستەرىن ۇمىتپاي، قولداۋ ءبىلدىرىپ، ەلگە جومارتتىعىمەن تانىلعان «اقشىڭ» كورپوراسياسىنىڭ پرەزيدەنتى، «ابىرالى-دەگەلەڭ» قورىنىڭ جەتەكشىسى مارات سەرىكجان ۇلى اۋىلداعى الەۋمەتتىك جاعىنان از قامتىلعان 50 وتباسىلارعا، كومەك قولىن سوزىپ، ازىق-تۇلىكپەن جانە مەديسينالىق ماسكامەن قامتاماسىز ەتتى.
تۇرعىندار ءوز اۋىلىنان شىققان ازاماتقا شىنايى العىستارىن ءبىلدىردى. شقو ءماسليحاتىنىڭ دەپۋتاتى مارات قۇرمانباي ۇنەمى ابىرالى ءوڭىرىنىڭ حالقىنا قولداۋ ءبىلدىرىپ كەلەدى.
جىل سايىن وقۋ ماۋسىمى قارساڭىندا "مەكتەپكە جول" شاراسى اياسىندا وسى ەلدىڭ بارلىق مەكتەپ تابالدىرىعىن تۇڭعىش رەت اتتايتىن وقۋشىلاردىڭ ءبىلىم الۋعا قاجەتتى قۇرال جابدىقتارمەن قامتاماسىز ەتىپ كەلەدى.
سونىمەن قاتار الەۋمەتتىك تۇرعىدان از قامتىلعان وتباسىلاردىڭ بالالارىن اقىلى نەگىزدە وقىتۋعا قولداۋ دا كورسەتىپ ءجۇر.
اۋىلدى كوركەيتۋگە دە اتسالىسىپ، قاينار اۋىلىنا مادەني دەمالىس ساياباعىن سالىپ بەرگەن ەدى. كاسىپكەردىڭ باستاماسىمەن قۇرىلعان «ابىرالى-دەگەلەڭ» قوعامدىق قورى وسى وڭىردەگى ەلدى-مەكەندەردىڭ دامۋىنا ءۇن قوسىپ، حالىقتىڭ الەۋمەتتىك-ماتەريالدىق جاعدايىنىڭ جاقسارۋىنا ءاردايىم دەمەۋ بولۋدا.
ازاماتتىق مىندەتىم دەپ، حالىقتىڭ قاسىنان تابىلعان مارات قۇرمانبايدىڭ يگىلىكتى ىستەرى وڭىرىمىزدەگى كاسىپكەرلەرگە ۇلگى بولعاي. ءيا، ۇلكەن بايلىقپەن ادامعا ۇلكەن قايىرىم بىتپەيدى، كەرىسىنشە، ۇلكەن قايىرىمدىلىق - جيناعان بايلىعىڭدى ابىرويلى ەتەدى.
قۋانىش راحمەتوللا ۇلى،
سەمەي قالاسى
