Jahandy jailaǵan koronavirýs pandemiiasy kezinde Semeiden 300 shaqyrym shalǵaidaǵy Abyraly óńiriniń turǵyndarymen kezdesip, qiyn sátte jerlesterin umytpai, qoldaý bildirip, elge jomarttyǵymen tanylǵan «Aqshyń» korporatsiiasynyń prezidenti, «Abyraly-Degeleń» qorynyń jetekshisi Marat Serikjanuly aýyldaǵy áleýmettik jaǵynan az qamtylǵan 50 otbasylarǵa, kómek qolyn sozyp, azyq-túlikpen jáne meditsinalyq maskamen qamtamasyz etti.
Turǵyndar óz aýylynan shyqqan azamatqa shynaiy alǵystaryn bildirdi. ShQO máslihatynyń depýtaty Marat Qurmanbai únemi Abyraly óńiriniń halqyna qoldaý bildirip keledi.
Jyl saiyn oqý maýsymy qarsańynda "Mektepke jol" sharasy aiasynda osy eldiń barlyq mektep tabaldyryǵyn tuńǵysh ret attaityn oqýshylardyń bilim alýǵa qajetti qural jabdyqtarmen qamtamasyz etip keledi.
Sonymen qatar áleýmettik turǵydan az qamtylǵan otbasylardyń balalaryn aqyly negizde oqytýǵa qoldaý da kórsetip júr.
Aýyldy kórkeitýge de atsalysyp, Qainar aýylyna mádeni demalys saiabaǵyn salyp bergen edi. Kásipkerdiń bastamasymen qurylǵan «Abyraly-Degeleń» qoǵamdyq qory osy óńirdegi eldi-mekenderdiń damýyna ún qosyp, halyqtyń áleýmettik-materialdyq jaǵdaiynyń jaqsarýyna árdaiym demeý bolýda.
Azamattyq mindetim dep, halyqtyń qasynan tabylǵan Marat Qurmanbaidyń igilikti isteri óńirimizdegi kásipkerlerge úlgi bolǵai. Iá, úlken bailyqpen adamǵa úlken qaiyrym bitpeidi, kerisinshe, úlken qaiyrymdylyq - jinaǵan bailyǵyńdy abyroily etedi.
Qýanysh RAHMETOLLAULY,
Semei qalasy
