ەرلان بٸلەل ۇستالعان سەتتە قوعامدا, سونىڭ ٸشٸندە مەدەنيەت سالاسى ٶكٸلدەرٸنٸڭ اراسىندا كەرەعار پٸكٸرلەر تۋىندادى. مەسەلەن, ونىڭ ەرٸپتەستەرٸ جاپپاي جينالىپ, كونفەرەنتسييا ٶتكٸزٸپ, بٸلەلدٸ اقتاۋدى سۇراسا, ەلەۋمەتتٸك جەلٸ قولدانۋشىلارى مەن بٸرقاتار جۋرناليست كەرٸسٸنشە, پارا العان ادام جازاسىن السىن دەپ مەلٸمدەپ جاتتى.
تٸپتٸ, تۇڭعىشباي جامانقۇلوۆ پەن ەرلان بٸلەلدٸڭ ٸستٸ بولۋىن بايلانىستىرعاندار دا از بولعان جوق. ەستە بولسا, بىلتىر كٷزدە قر حالىق ارتيسٸ ت.جامانقۇلوۆ كينوعا بٶلٸنگەن قاراجاتتى تالان-تاراجعا سالدى دەپ سوتتالعان بولاتىن.
سول كەزدە ونىڭ شەكٸرتٸ سانالاتىن ەرلان بٸلەل ۇستازىنا قولداۋ بٸلدٸرمەي, سول ٷشٸن كٶپشٸلٸكتٸڭ سىنىنا دا ۇشىراعانى ەلٸ ەستە.
كٷنٸ كەشە تۇڭعىشباي جامانقۇلوۆ «TalkLIKE» جوباسىندا قوناقتا بولىپ, جۋرناليست امان تاسىعانعا سۇحبات بەرگەن بولاتىن. ەڭگٸمە بارىسىندا ول ەرلانعا تەك جانى اشيتىنىن ايتتى.
«ەرلان مەنٸڭ شەكٸرتٸم. مەنٸڭ باسىما قارا بۇلت ٷيرٸلگەندە ول قايدا بارارىن بٸلمەي, ەۋرە سارساڭعا تٷسكەن بالام سيياقتى مەنٸڭ. مەن جاعىنا شىعايىن دەسە, باسشىسىنان قورقادى.
باسشى جاعىنا شىعىپ كەتەيٸن دەسە, مەنٸ ويلايدى.
سٶيتٸپ, قاتتى جاعدايعا تٷسكەنٸن مەن جاقسى بٸلەمٸن. سوندىقتان مەن وعان مەنٸڭ قاسىمنان تابىلمادىڭ دەپ, سٶزٸمدٸ سٶيلەمەدٸڭ دەپ ٶكپە ارتا المايمىن. ٶيتكەنٸ زامان سولاي, قىزمەت سولاي. ول قىزمەتٸنەن ايرىلىپ قالامىن دەپ ويلادى. بۇل دا بٸر پەندەشٸلٸكتٸڭ بٸر تٷرٸ», — دەيدٸ حالىق ارتيسٸ.
ول سونداي-اق, بٸلەلدٸڭ ۇستالعانى جانىنا باتقانىن دا جاسىرماي ايتتى.
«مەن ەرلاننىڭ ۇستالعانىن ٶتە اۋىر قابىلدادىم. Facebوok-تەن كٶرگەندە كينو شىعار دەپ تە ويلادىم. ٶيتكەنٸ, ول وندايعا باراتىن بالا ەمەس سيياقتى ەدٸ. بەلكٸم, جاڭا جىلدىڭ الدىندا ٶزٸنە تٸزەسٸ باتىپ جٷرگەن ادامدارعا سىي جاسايمىن دەپ امالسىز وسىنداي قادامعا باردى ما ەكەن دەپ تە ويلايمىن», — دەگەن جامانقۇلوۆ مەدەنيەت سالاسىندا دا «سىيلىق العاندى» جاقسى كٶرەتٸن شەندٸلەردٸڭ بار ەكەنٸن مەڭزەدٸ.
ال, ەرلان بٸلەلدٸ قورعاۋعا باعىتتالعان باسپاسٶز كونفەرەنتسيياسىن ول ناعىز تەاترلىق قويىلىم دەپ ەسەپتەيدٸ.
«ەرٸپتەستەرٸم ەرلاندى قورعاپ باسپاسٶز كونفەرەنتسيياسىن ٶتكٸزگەندە مەنٸ شاقىرعان جوق. ٶيتكەنٸ, ولار كەزٸندە مەنٸڭ باسىما قارا بۇلت ٷيٸرۋگە سەبەپ بولعان ادامدار. سوسىن مەن بۇل كونفەرەنتسييانى نە ٷشٸن ٶتكٸزگەندەرٸن دە تٷسٸنبەدٸم.
«پارا بەرمە» دەگەن بيلبوردتاردا سۋرەتٸ ٸلٸنٸپ تۇرعان اسانەلٸ اعامىز پارا العانىن مويىنداپ تۇرعان ادامدى قورعاۋى كٷلكٸلٸ ەرٸ ۇيات بولدى.
مۇنى ۇيىمداستىرعان ادامدى سوتتاۋ كەرەك دەگەن دە ارتىق سٶزدەر ايتىلدى. نەگٸزٸ بۇل كونفەرەنتسيياعا كەلگەندەر «مۇنداي جاعدايدىڭ بولعانىنا ٶكٸنەمٸز» دەپ ايتۋلارى كەرەك ەدٸ. قىسقاسى, بۇل جٶنسٸز, جوسىقسىز كونفەرەنتسييا بولدى. ونى كٸمنٸڭ ۇيىمداستىرىپ وتىرعانىن دا جاقسى بٸلەمٸن. بۇل پرەسس-كونفەرەنتسييا مەنٸ قىسپاققا العان ۆەدومستۆونىڭ زورلىقپەن جاساتقان پرەسس-كونفەرەنتسيياسى دەپ ايتا الامىن», — دەيدٸ تۇڭعىشباي جامانقۇلوۆ.
ول سونداي-اق, بٸلەلگە قولداۋ كٶرسەتكٸسٸ كەلەتٸنٸن, الايدا وعان زييانىن تيگٸزٸپ العىسى كەلمەيتٸنٸن دە ايتىپ مويىندادى.
«ەرلان بٸلەلگە باسىنا كٷن تٷسكەندە حابارلاسپادىم. ٶيتكەنٸ, بٸرٸنشٸدەن — ول مەنٸڭ قوڭىراۋلارىما جاۋاپ بەرمەيدٸ. ەكٸنشٸدەن — جاۋاپ بەرگەن كٷننٸڭ ٶزٸندە مەنٸمەن سٶيلەسكەنٸ ٷشٸن وعان ٷلكەن زييان كەلۋٸ مٷمكٸن. ٶيتكەنٸ, تاعى ايتام, ەرلان مەنٸ قىسپاققا العان ۆەدومستۆو باسشىلارىنىڭ سٷيٸكتٸسٸ.
ولار ەرلاننىڭ مەنٸمەن سٶيلەسكەنٸن بٸلسە وعان زييان تيگٸزۋٸ مٷمكٸن ەدٸ.
سوندىقتان حابارلاسپادىم. مەسەلەن, كەزٸندە مەنٸڭ سٶزٸمدٸ سٶيلەپ, مەنٸ قورعاماق بولعان جۋرناليست قىزدار جۇمىستان شىعىپ, اۋىر سٶزدەر ەستٸپ, اياقتارىنا تۇساۋ سالىنعان بولاتىن. ونىڭ الدىندا ٸس ەندٸ باستالعاندا ورالعا بارىپ باتىس قازاقستان وبلىستىق تەاترىندا قويىلىم قويدىم. ۇستازىم حاديشا بٶكەەۆانىڭ 100 جىلدىعىنا وراي سول كٸسٸنٸڭ ويناعان سپەكتاكلدەرٸنٸڭ بٸرٸن قويىڭىزدار دەپ نيەت بٸلدٸردٸ.
سپەكتاكل قويىلدى, ارتىنشا ۇيىمداستىرعان ورالدىق جٸگٸتتەرگە بەزبٸرەۋلەر تەلەفون سوعىپ, «ونى نەگە شاقىراسىزدار, وعان نەگە قويعىزاسىزدار» دەپ مەنٸڭ كٶزٸمشە ۇرىستى. بٸراق, سوعان قاراماستان, ول جٸگٸتتەر باتىلدىق جاساپ, اياعىنا دەيٸن ويناپ شىعۋىمىزعا كەدەرگٸ كەلتٸرمەدٸ», — دەدٸ حالىق ارتيسٸ.
دەرەككٶز: sn.kz
