ق ر پرەمەر-مينيسترىنىڭ ورىنباسارى ا.جۇماعالييەۆ وڭتۇستىك قازاقستان وبلىسىنا ىسساپارمەن كەلدى. ساپار بارىسىندا ۆيسە-پرەمەرگە وبلىس اكىمىنىڭ ورىنباسارى ت.سارسەمبايەۆ سيفرلاندىرۋ جۇيەسى ەنگىزىلگەن ءبىرقاتار نىسانداردى كورسەتىپ، ونداعى «سيفرلىق قازاقستان» مەملەكەتتىك باعدارلاماسى اياسىندا جۇزەگە اسىرىلىپ جاتقان پيلوتتىق جوبالارمەن تانىستىردى.

ۆيسە-پرەمەر ا.جۇماعالييەۆ باستاعان جۇمىسشى توپ الدىمەن شىمكەنت قالالىق اكىمدىگىنىڭ فرونت-وفيسىنە ايالداپ، ونداعى «سيفرلىق اكىمدىك» جانە جۇمىسقا قابىلداناتىن ۇستازداردى ىرىكتەۋدىڭ اۆتوماتتاندىرىلعان جۇيەلەرىن كورىپ شىقتى. اتالعان باستامالار ادامي فاكتورلاردى ازايتا وتىرىپ، مەملەكەتتىك قىزمەت كورسەتۋدىڭ ساپاسىن جوعارىلاتۋعا باعىتتالعان.

سونداي-اق، قوناقتار س.ەرۋبايەۆ اتىنداعى №24 مەكتەبىندەگى ەلەكتروندى جۋرنال مەن «كۇندەلىك» جوباسىنىڭ نوبايىن كوردى. اتا-انا مەن مەكتەپ اراسىن جاقىنداتىپ، بالانىڭ ساپالى ءبىلىم، سانالى تاربيە الۋىنا باستايتىن جۇيە جۇمىسشى توپتىڭ كوڭىلىنەن شىقتى.

– ەلباسىمىز حالىققا ارناعان جولداۋىندا مەملەكەتتىك قىزمەت كورسەتۋدى اۆتوماتتاندىرۋدى تاپسىرعانى بەلگىلى. ونداعى ماقسات – زاماناۋي تەحنولوگيانىڭ كومەگىمەن قىزمەتتىڭ ساپاسىن جاقسارتىپ، جەمقورلىقتىڭ تامىرىنا بالتا شابۋ. مىنە، وسى تاپسىرمانى ورىنداۋ ءۇشىن قولعا الىنعان سيفرلاندىرۋدىڭ پيلوتتىق جوباسىن العاش بولىپ وڭتۇستىك قازاقستان وبلىسى ءساتتى جۇزەگە اسىرىپ وتىر. وسى جوبا ءوزىن تولىق اقتايتىن بولسا، ەلىمىزدىڭ بارلىق ايماقتارىندا ىسكە اسىرىلاتىن بولادى، – دەدى قازاقستان رەسپۋبليكاسى ءبىلىم جانە عىلىم مينيستىرلىگىنىڭ اقپاراتتىق تەحنولوگيالار دەپارتامەنتىنىڭ ديرەكتورى المات يششانوۆ.

سونداي-اق، استانالىقتار حالىققا قىزمەت كورسەتۋ ورتالىعىندا بولىپ، ونداعى قىزمەتتىڭ ەلەكتروندى تۇردە قالاي كورسەتىلىپ جاتقانىمەن تانىستى. وبلىستاعى ورتالىقتاردا بۇگىنگە دەيىن حالىققا 805 674 قىزمەت كوسەتىلسە، ونىڭ 574 319-ى ەلەكتروندى قىزمەت تۇرىنە جاتادى.

وقو اكىمىنىڭ باسپا ءسوز قىزمەتى