Vıse-premer A.Jumaǵalıev bastaǵan jumysshy top aldymen Shymkent qalalyq ákimdiginiń front-ofısine aıaldap, ondaǵy «sıfrlyq ákimdik» jáne jumysqa qabyldanatyn ustazdardy irikteýdiń avtomattandyrylǵan júıelerin kórip shyqty. Atalǵan bastamalar adamı faktorlardy azaıta otyryp, memlekettik qyzmet kórsetýdiń sapasyn joǵarylatýǵa baǵyttalǵan.
Sondaı-aq, qonaqtar S.Erýbaev atyndaǵy №24 mektebindegi elektrondy jýrnal men «Kúndelik» jobasynyń nobaıyn kórdi. Ata-ana men mektep arasyn jaqyndatyp, balanyń sapaly bilim, sanaly tárbıe alýyna bastaıtyn júıe jumysshy toptyń kóńilinen shyqty.
– Elbasymyz halyqqa arnaǵan Joldaýynda memlekettik qyzmet kórsetýdi avtomattandyrýdy tapsyrǵany belgili. Ondaǵy maqsat – zamanaýı tehnologıanyń kómegimen qyzmettiń sapasyn jaqsartyp, jemqorlyqtyń tamyryna balta shabý. Mine, osy tapsyrmany oryndaý úshin qolǵa alynǵan sıfrlandyrýdyń pılottyq jobasyn alǵash bolyp Ońtústik Qazaqstan oblysy sátti júzege asyryp otyr. Osy joba ózin tolyq aqtaıtyn bolsa, elimizdiń barlyq aımaqtarynda iske asyrylatyn bolady, – dedi Qazaqstan Respýblıkasy Bilim jáne Ǵylym mınıstirliginiń aqparattyq tehnologıalar departamentiniń dırektory Almat Ishanov.
Sondaı-aq, astanalyqtar Halyqqa qyzmet kórsetý ortalyǵynda bolyp, ondaǵy qyzmettiń elektrondy túrde qalaı kórsetilip jatqanymen tanysty. Oblystaǵy ortalyqtarda búginge deıin halyqqa 805 674 qyzmet kósetilse, onyń 574 319-y elektrondy qyzmet túrine jatady.
OQO ákiminiń baspasóz qyzmeti
