قر حالىق ارتيسٸ تۇڭعىشباي جامانقۇلوۆ مەدەنيەت جەنە سپورت مينيسترٸ ارىستانبەك مۇحامەديۇلىن قالاي بالاعاتتاپ تاستاعانىن ايتىپ بەردٸ.
«TalkLIKE» جوباسىندا قوناقتا بولعان اكتەر ٶزٸنٸڭ نە ٷشٸن سوتتالعانىن, ارىستانبەكپەن نە ٷشٸن ارازداسقانى تۋرالى اشىپ ايتتى.
ت.جامانقۇلوۆتىڭ ايتۋىنشا,
مينيسترمەن اراداعى داۋ سەل ەرتەرەكتە باستالعان ەكەن.
بۇل تۋرالى اكتەر سوتقا دەيٸن دە ايتقانى ەستە. ياعني, بار مەسەلە ستۋدەنتتەرگە بٶلٸنگەن گرانتتان باستالعان. ول كەزدە ارىستانبەك مۇحامەديۇلى ٶنەر اكادەميياسىنىڭ رەكتورى ەدٸ.
«بار بولعانى 12 گرانت. 11 ادامنىڭ تٸزٸمٸن بەردٸ "وسىلاردى ٶتكٸز" دەپ. مەن قارسى شىعىپ, ادامگەرشٸلٸكپەن ادام قابىلدايىق دەگەنمٸن. سٶيتٸپ, ونى تىڭدامادىم دا تالاپكەرلەردٸڭ ٶنەرٸنە قاراپ 2-3-ەۋٸن ٶتكٸزٸپ جٸبەردٸم. سوسىن ماعان تٷن ٸشٸندە تەلەفون سوعىپ, ايقايعا باستى. مەن دە اشۋعا بەرٸلٸپ, ورىسشا ٷش ەرٸپكە ايتىپ جٸبەردٸم ونى. ەندٸ ەر ادامنىڭ بەرٸندە بولادى عوي مۇنداي جاعداي. كەيٸن بٸراق ارتىق كەتكەنٸمدٸ تٷسٸنٸپ, ەرتەسٸنە بارىپ كەشٸرٸم سۇرادىم», – دەيدٸ تۇڭعىشباي جامانقۇلوۆ.
مۇنان كەيٸن وسى وقۋ ورنىن بٸتٸرگەن ەڭلٸك سىدىقوۆا ەسٸمدٸ بويجەتكەننٸڭ مەلٸمدەمەسٸ جارىق كٶرگەن بولاتىن.
ول ارىستانبەكتٸڭ ٶزٸنە ازعىندىق كٶرسەتكەنٸن ايتىپ, ۆيدەوٷندەۋ ارقىلى شاعىم جاساعان ەدٸ. ارتىنشا جامانقۇلوۆ ەڭلٸكتٸڭ سٶزٸن سٶيلەپ, مينيستردٸ اشىق ايىپتادى.
«وسى جاعدايدان كەيٸن ول مەنٸڭ ەر قادامىمدى اڭدىپ, ٸزٸمە تٷسٸپ الدى», – دەيدٸ ول.
«مينيستر مەنٸڭ باسىمداعى جاعدايدى ٶز قولىمەنەن, ٶزٸنٸڭ لاۋازىمىن پايدالانىپ, ەلباسىنىڭ ىقىلاسىن پايدالانىپ, وسى نەرسەگە ناقاقتان ناقاق بارىپ, ٶش الدى.
مەنٸڭ ٷندەۋٸم ەلباسىنا جەتكەن جوق. جەتسە دە, ارىستان مىرزانىڭ ٷندەۋٸمەن جەتتٸ دەپ ويلايمىن.
ول باسقاشا جاعدايمەن جەتكٸزٸپ وتىردى», – دەدٸ اكتەر.
ول سونداي-اق, ٶزٸنە تاعىلعان ايىپتاردىڭ بەرٸ جالا ەكەنٸن ايتىپ وتىر. مينيستر ارىستانبەك مۇحامەديۇلى سۋدياعا ىقپال ەتتٸ دەيدٸ ول.
«ماعان وقىلعان سوت ٷكٸمٸندە اتاق-داڭقتى الىپ تاستاۋ تۋرالى بٸردە-بٸر سٶز جوق. ٷكٸمەتتٸڭ اقشاسىن شاشىپ جٸبەردٸ دەگەندەي ناقاقتان ناقاق تاعىلعان ايىپ.
مەن قارجىعا ارالاسقان ادام ەمەسپٸن.
مەن قورىقپايمىن, مەدەنيەت مينيسترٸنٸڭ ٶزٸ سوتتارعا, تەرگەۋشٸلەرگە جەكە تاپسىرما بەرٸپ وتىرعانىنان حاباردارمىز. مەن ەشقانداي اقشا جىمقىرعان جوقپىن. دەلەلدەنگەن دە جوق. بەرٸ بوس سٶز.
6 ايداي سوت بولدى. بەرٸ دە ناقاق جالا ويدان شىعارىلعان. جەنە ماعان شىعارىلعان ٷكٸمدٸ سۋديا ۇيالىڭقىراپ, جەرگە قاراپ وتىرىپ, ٸشتەي جىلاعان دا بولار, تاپسىرىستى ورىنداۋمەنەن وقىدى», – دەپ سٶزٸن جالعادى اكتەر.
ەسكە سالايىق, 2016 جىلى تۇڭعىشباي جامانقۇلوۆ فيلمنٸڭ تٷسٸرٸلٸمٸنە بٶلٸنگەن 79 ميلليون تەڭگەنٸ قالتاسىنا باستى دەپ ايىپتالىپ, شارتتى جازاعا كەسٸلگەن بولاتىن.
دەرەككٶز: sn.kz
