ىشكى ىستەر ءمينيسترىنىڭ ورىنباسارى ساكەن سارسەنوۆ جۇمىس ساپارىمەن تۇركىستان وبلىسىنا بارىپ، پوليسيا دەپارتامەنتىنىڭ جەكە قۇرامىمەن جەدەل كەڭەس وتكىزدى، دەپ حابارلايدى Dalanews.kz.
كەزدەسۋ بارىسىندا ۆەدومستۆونىڭ 2024 جىلعى قىزمەتىنىڭ قورىتىندىلارى تالقىلاندى.
پوليسيا دەپارتامەنتىنىڭ باستىعى مۇرات قابدەنوۆ بايانداما جاساپ، اتقارىلعان جۇمىستار تۋرالى مالىمەت بەردى.
ساكەن سارسەنوۆ ءبىرقاتار كەمشىلىككە نازار اۋدارىپ، بەرىلگەن تاپسىرمالار مەن مىندەتتەردى ۋاقىتىلى ورىنداۋدىڭ ماڭىزىن اتاپ ءوتتى. جەتەكشىلىك قىزمەتتەگى كەيبىر تۇلعالارعا قاتىستى شارالار قابىلدانعانى حابارلاندى. سونىمەن قاتار قىلمىستار مەن قۇقىق بۇزۋشىلىقتاردىڭ الدىن الۋ، زاڭدىلىق پەن ءتارتىپتى قامتاماسىز ەتۋ بويىنشا جۇمىستى كۇشەيتۋدى تاپسىردى.
ساپار اياسىندا ءىىم ورىنباسارى جەدەل باسقارۋ ورتالىعىنىڭ سيفرلىق شەشىمدەرىن تەكسەرىپ، وبلىستاعى بەينەباقىلاۋ كامەرالارىنىڭ جۇمىسىمەن تانىستى. وسى تۇستا ول دەپارتامەنتتىڭ زاماناۋي سيفرلىق تەحنولوگيالاردى قولدانۋ ناتيجەلەرىنە جوعارى باعا بەردى. وعان تۇركىستان وبلىسى ەكونوميكا جانە بيۋدجەتتىك جوسپارلاۋ باسقارماسىنىڭ باسشىسى ق.قايىپبەك پەن سيفرلاندىرۋ باسقارماسى باسشىسىنىڭ ورىنباسارى س.بايعۇتوۆ قاتىستى.
جۇمىس ساپارى وبلىس اكىمدىگىندە جالعاسىپ، ءىىم ورىنباسارى ساكەن سارسەنوۆ وبلىس اكىمى ن.كوشەروۆپەن كەزدەستى. سونداي-اق اكىم اپپاراتىنىڭ جەتەكشىسى ە.داۋىلبايەۆپەن جانە سيفرلاندىرۋ، مەملەكەتتىك قىزمەت كورسەتۋ جانە ارحيۆتەر باسقارماسىنىڭ باسشىسى م.اينابەكوۆپەن كەزدەسۋ وتكىزدى.
“سيفرلاندىرۋ – قازىرگى كەزەڭدەگى اۋقىمدى رەفورما. پوليسيانىڭ كۇندەلىكتى قىزمەتىندە زاماناۋي تەحنولوگيالاردى كەڭىنەن قولدانۋ – مەملەكەت باسشىسىنىڭ ىشكى ىستەر ورگاندارىنا قويعان باستى مىندەتتەرىنىڭ ءبىرى”، – دەپ اتاپ ءوتتى ساكەن سارسەنوۆ.
كەزدەسۋ بارىسىندا تاراپتار الداعى بىرلەسكەن جۇمىس جوسپارىن تالقىلادى.
