ءماجىلىس دەپۋتاتى ابزال قۇسپان تالعاردا ءبىر توپ بۇزاقىنىڭ قولىنان قازا تاپقان 16 جاستاعى شەرزات بولاتتىڭ ولىمىنە قاتىستى قىلمىستىق ءىستىڭ جاقىندا سوتقا جولداناتىنىن مالىمدەدى، دەپ حابارلايدى Dalanews.kz.
زاڭگەر بۇعان دەيىن تالعارعا بارىپ، پوليسيا جانە پروكۋراتۋرا وكىلدەرىمەن كەزدەسكەنىن اتاپ ءوتتى.
“وتكەن جىلدىڭ جەلتوقسان ايىندا بىزگە قاڭتار ايىنىڭ سوڭىنا دەيىن قىلمىستىق ءىستى اياقتاپ، سوتقا جولدايمىز دەپ ۋادە بەرگەن ەدى. ءقازىر ىستەگى كۇدىكتىلەردىڭ بارلىعى قاماۋدا، ءارقايسىسىنا قاتىستى ءتيىستى قۇقىقتىق باعا بەرىلدى. مەنىڭ بولجامىمشا، ءىس كەلەسى اپتا نەمەسە ودان كەيىنگى اپتادا سوتقا جولدانۋى كەرەك. پروكۋراتۋرا ءىستى سوتقا جىبەرمەس بۇرىن ارنايى بريفينگ وتكىزۋدى جوسپارلاپ وتىر. قازىرگى قولىمداعى اقپارات وسىمەن شەكتەلەدى”، – دەدى ابزال قۇسپان.
ايتا كەتەيىك، بۇعان دەيىن دەپۋتات ابزال قۇسپان مارقۇم شەرزات پەن ونىڭ اعاسى ن. عايىپبايەۆتىڭ ءولىمى باس پروكۋراتۋرا مەن ىشكى ىستەر مينيسترلىگىنىڭ باقىلاۋىندا ەكەنىن جەتكىزگەن ەدى.
بۇل تۋرالى ول Facebook الەۋمەتتىك جەلىسىندەگى پاراقشاسىندا جازدى.
دەپۋتات اتالعان ءىس بويىنشا 170-تەن استام كۋاگەردەن جاۋاپ الىنىپ، جان-جاقتى تەرگەلىپ جاتقانىن العا تارتتى.
"مەن، زاڭگەر رەتىندە، بۇل اۋىر جاعدايلاردى قۇقىقتىق تۇرعىدا قاراستىرۋدىڭ ماڭىزدىلىعىن اتاپ وتكىم كەلەدى. مۇنداي ىستەردە قوعام تاراپىنان جاسالعان قىسىم تەرگەۋ امالدارىنىڭ وبەكتيۆتى ءارى جان-جاقتى جۇرگىزىلۋىنە كەرى اسەرىن تيگىزۋى مۇمكىن. پروكۋراتۋرانىڭ رەسمي اقپاراتىنا سايكەس، قاساقانا كىسى ءولتىرۋ كۇدىگىمەن 11 ادام ادام ۇستالعانى بەلگىلى. قازىرگى تاڭدا ءتيىستى تەرگەۋ امالدارى جۇرگىزىلىپ جاتىر. وسى ءىس بويىنشا 170 استام كۋاگەرلەردەن جاۋاپ الىنىپ، 40 جۋىق ساراپتاما تاعايىندالىپ، جان-جاقتى تەرگەلىپ جاتىر. سونىمەن قاتار، شەرزات پولاتتىڭ اعاسى ن. عايىپبايەۆتىڭ ءولىمى دە باس پروكۋراتۋرا مەن ىشكى ىستەر مينيسترلىگىنىڭ باقىلاۋىندا ەكەنىن اتاپ وتكەن ءجون. ول بويىنشا سوت-مەديسينالىق ساراپتامالار جۇرگىزىلىپ جاتىر"، — دەپ جازدى دەپۋتات.
ەسكە سالايىق، بۇعان دەيىن تالعاردا جاپپاي توبەلەس بولىپ، سالدارىنان 16 جاستاعى ءجاسوسپىرىم شەرزات بولات كوز جۇمدى.
كامەلەتكە تولماعان بالانى ءولتىرۋ فاكتىسى بويىنشا الماتى وبلىسىنىڭ پوليسيا دەپارتامەنتى قىلمىستىق ءىس قوزعادى.
قازىرگى تاڭدا كىنالى دەپ تانىلعان 11 ادام ۇستالىپ، ۋاقىتشا ۇستاۋ يزولياتورىنا قاماۋعا الىندى.
كوپ ۇزاماي، ياعني 9 جەلتوقساندا مارقۇم شەرزات بولاتتىڭ اعاسى نۇرقانات عايىپبايەۆ اجال قۇشتى. پوليسيا دەپارتامەنتى ونىڭ سۋيسيد جاساعانىن مالىمدەدى. وعان دالەل رەتىندە پوليسەيلەر نۇرقاناتتىڭ تۋىسىنا مەسسەندجەر ارقىلى جازعان حاتىن جاريا ەتتى.
حابارلامادا ول تۋىسقاندارىمەن قوشتاسىپ، جيەنىنىڭ جانىنا جەرلەۋدى سۇراعان. بۇل فاكتى بويىنشا قىلمىستىق ءىس قوزعالدى.
ال 10 جەلتوقساندا ونىڭ ولىمىنە قاتىستى ساراپتاما قورىتىندىسى شىقتى.
"سوت-مەديسينالىق ساراپتامانىڭ الدىن الا بولجامى بوي̆ىنشا، 9 جەلتوقساندا تالعاردىڭ شەتىندە تابىلعان 30 جاستاعى ەر ادامنىڭ ءماي̆ءىتى ءوزىن-وزى اسۋ ارقىلى مەحانيكالىق اسفيكسيا ناتيجەسىندە بولعانىن كورسەتتى. دەنەسىندە زورلىق-زومبىلىق سيپاتتاعى بەلگىلەر جوق.
ساراپشىلارمەن انىقتالعان دەنە جاراقاتتارى، مىسالى، سترانگۋلياسيالىق جانە موي̆ىننىڭ ابرازيالارى اسىلعان ءجىپتى قولدانعان كەزىندە پاي̆دا بولاتىن جاراقاتتارعا ءساي̆كەس كەلەتىنىن كورسەتتى. بارلىق بەلگىلەر ءسۋيسيدتى كورسەتەدى، موي̆ىنىنداعى زاقىمدانۋ سيپاتى مۇنداي̆ جاعداي̆لارعا ءتان"، - دەلىنگەن حابارلامادا.
ال مارقۇم شەرزاتتىڭ اكەسى باۋىرى نۇرقانات عايىپبايەۆتى جەر قوينىنا تاپسىرعانان كەيىن، بۇقارالىق اقپارات قۇرالدارىمەن كەزدەسۋدى تالاپ ەتىپ، كوشەگە شىقتى. الايدا اراعا ۇزاق ۋاقىت سالماي قارجاۋباي نۇرىموۆتى پوليسيا قىزمەتكەرلەرى ۇستاپ اكەتتى.
"قارجاۋباي نۇرىموۆ پروكۋروردىڭ زاڭدى ساقتاۋ تۋرالى تۇسىندىرمەلەرىن ەلەمەدى. شەكتەن تىس اگرەسسيۆتى مىنەز-قۇلىق تانىتىپ، باسقالاردى وز-وزىنە قول جۇمسايمىن دەپ قورقىتتى. سونىمەن قاتار پوليسيا قىزمەتكەرىنە پىشاقپەن شابۋىل جاسادى. ونىڭ مىنەز-قۇلقى وزىنە دە، باسقالارعا دا ءقاۋىپ ءتوندىردى"، — دەلىنگەن حابارلامادا.
وسىلايشا شەرزات بولاتتىڭ اكەسى مەن اپكەسى قاماۋعا الىندى.
