دەپۋتات اناس باققوجاەۆ اعاسىنىڭ اناسىنا قۇرمەتسٸزدٸك كٶرسەتۋٸنە قاتىستى نە ويلايتىنىن ايتتى, دەپ حابارلايدى Dalanews.kz Nege.kz-كە سٸلتەپ.
بۇعان دەيٸن استاناداعى سوت مەجٸلٸس دەپۋتاتى اناس باققوجاەۆتىڭ اعاسى ارىس باققوجاەۆتى وتباسى-تۇرمىستىق قاتىناستار سالاسىندا قۇقىققا قايشى ەرەكەت جاساعانى ٷشٸن كٸنەلٸ دەپ تانىعانىن حابارلاعان ەدٸك. ول ماس كٷيٸندە ٶز اناسىنا بالاعات سٶزدەر ايتىپ, قۇرمەتسٸزدٸك تانىتىپ, ونىڭ تىنىشتىعىن بۇزعان. سوت وعان مۇنداي ەرەكەتتەرگە جول بەرٸلمەيتٸنٸن ەسكەرتٸپ, بٸر جىل بويى جەبٸرلەنۋشٸنٸڭ كەلٸسٸمٸنسٸز وعان جاقىنداۋعا, سونداي-اق سپيرتتٸك ٸشٸمدٸكتەر مەن پسيحوتروپتىق زاتتار قولدانۋعا تىيىم سالدى.
مەجٸلٸس كۋلۋارىندا جۋرناليست دەپۋتات باققوجاەۆتان وسى جاعدايعا قاتىستى پٸكٸرٸن سۇراعان. ونىڭ ايتۋىنشا, ول بۇل وقيعا تۋرالى العاش رەت ەستٸپ تۇر جەنە اناسىنىڭ بۇل جاعدايدى ودان جاسىرعان بولۋى مٷمكٸن دەپ بولجادى.
پارلامەنت مٷشەسٸ بالالاردىڭ اتا-اناسىنا قۇرمەتسٸزدٸك تانىتۋىنا قارسى ەكەنٸن ايتتى. دەگەنمەن, ول باۋىرىنا جاناشىرلىق تانىتىپ, ونىڭ اجىراسۋ مەن بالاسىمەن ارالاسا الماۋىنان قاتتى كٷيزەلٸپ جٷرگەنٸن اتاپ ٶتتٸ.
«اجىراسۋ كەزٸندە ەكەلەرگە دە وڭاي ەمەس. سەبەبٸ كٶبٸنەسە انالار بالالاردى ەكەلەرٸنە قارسى قويادى. شىنىن ايتقاندا, مەنٸڭ اعام دەل سونداي جاعدايعا تاپ بولدى. ەر ادامداردىڭ دا قۇقىعىن قورعاۋ كەرەك دەپ سانايمىن», – دەدٸ ول.
جۋرناليست وتباسىلىق قيىندىقتار اناعا دەگەن قۇرمەتسٸزدٸكتٸ اقتاي ما دەپ ناقتىلادى.
«جوق. بۇل وعان ولاي جاساۋعا رۇقسات بەرمەيدٸ جەنە ونىڭ ٸسٸن اقتاي المايدى. بٸز انامىزدى قۇرمەتتەۋٸمٸز كەرەك. ول – مەنٸڭ تۋعان اعام. ەكەمٸز ەرتە قايتىس بولدى, بٸز تٶرت جاسىمىزدا ەكەسٸز قالدىق. انامىز ەكٸ بالانى جالعىز ٶزٸ تەربيەلەپ ٶسٸردٸ جەنە بٸزدٸ جاقسى تەربيەلەدٸ. مٷمكٸن, ول بۇل ەرەكەتكە كٷيزەلٸستەن بارعان شىعار. بٸراق مەن بۇل تۋرالى شىنىمدى ايتسام, بٸلمەدٸم. مٷمكٸن, انامىزدىڭ مۇنى مەنەن جاسىرعانى دۇرىس تا بولعان شىعار. قاي انا بالاسىن جامان جاعىنان كٶرسەتكٸسٸ كەلەدٸ? بۇل – بٸزدٸڭ وتباسىمىزدىڭ ٸشكٸ مەسەلەسٸ, بٸز ونى ٶزٸمٸز شەشەمٸز. ماعان وسىنى حابارلاعاندارىڭىز دۇرىس بولدى», – دەپ تٷيٸندەدٸ باققوجاەۆ.
