قازۇۋ-دىڭ بيولوگييا جەنە بيوتەحنولوگييا فاكۋلتەتٸنٸڭ 1 كۋرس دوكتورانتى دامير نٷسٸپوۆ سيان عىلىم جەنە تەحنولوگييالار ۋنيۆەرسيتەتٸنە بٸر جىلدىق عىلىمي تاعىلىمداماعا قابىلداندى, - دەپ حابارلايدى Dalanews.kz.
بۇدان بۇرىن ەكٸ ۋنيۆەرسيتەت اراسىندا جاسالعان كەلەسٸمشارت نەگٸزٸندە جاس عالىمنىڭ جەتەكشٸلەرٸ بەكٸتٸلدٸ: قازۇۋ-لىق PhD قۋانىش تاستامبەك جەنە سيان ۋنيۆەرسيتەتٸنٸڭ پروفەسسورى Liu Xiangrong.
ايتا كەتەرلٸگٸ, بىلتىر ەل-فارابي اتىنداعى قازاق ۇلتتىق ۋنيۆەرسيتەتٸنٸڭ باسقارما تٶراعاسى – رەكتور جانسەيٸت تٷيمەباەۆ باستاعان دەلەگاتسييا قحر بٸلٸم ۆيتسە-مينيسترٸنٸڭ شاقىرتۋىمەن ارنايى قازاقستان مەن قىتاي ۋنيۆەرسيتەتتەرٸنٸڭ حالىقارالىق عىلىمي سيمپوزيۋمىنا قاتىستى. حالىقارالىق شارا بارىسىندا قازۇۋ-دىڭ ەڭ ٷزدٸك 40 عىلىمي-يننوۆاتسييالىق جوباسى كٶرمەدە تانىستىرىلدى.
جاسالعان كەلٸسٸمدەر نەتيجەسٸندە سيان عىلىم جەنە تەحنولوگييالار ۋنيۆەرسيتەتٸنٸڭ «كٶمٸر بيوترانسفورماتسيياسى» زەرتحاناسىنىڭ مەڭگەرۋشٸسٸ, پروفەسسور ليۋ سيانجۋن حانىمنىڭ شاقىرتۋىمەن قازۇۋ-دىڭ بيولوگييا جەنە بيوتەحنولوگييا فاكۋلتەتٸنٸڭ 1-كۋرس دوكتورانتى دامير نٷسٸپوۆ ٶزٸنٸڭ «كٶمٸردٸڭ بيولوگييالىق موديفيكاتسيياسى: پروتسەسس جەنە ٶنٸمدە» اتتى دوكتورلىق ديسسەرتاتسيياسى اياسىندا عىلىمي تاعىلىمدامادان ٶتۋدە. قازاقستان رەسپۋبليكاسىنىڭ جاس عالىمى سيان عىلىم جەنە تەحنولوگييالار ۋنيۆەرسيتەتٸندە العاش رەت عىلىمي-زەرتتەۋ جۇمىستارىن جٷرگٸزدٸ.
سونىمەن قاتار جۋىردا د.نٷسٸپوۆ فيزيكالىق حيمييانى دامىتۋ ماقساتىندا سيان قالاسىندا «شەنسي پروۆينتسيياسىنىڭ فيزيكالىق حيميياسىن دامىتۋ» بويىنشا ح كونفەرەنتسيياسىنا قاتىستى. وندا فيزيكالىق حيمييانىڭ عىلىمنىڭ باسقا سالالارىمەن پەنارالىق بايلانىسىن جەنە ينتەگراتسيياسىن نىعايتۋعا, عىلىمي تەسٸلدەردٸ كەڭەيتۋگە, زەرتتەۋلەردٸڭ يننوۆاتسييالىق ەدٸستەرٸن ەنگٸزۋ مەسەلەلەرٸ تالقىلاندى. د.نٷسٸپوۆ كونفەرەنتسييادا بايانداما جاساعان العاشقى قازاقستاندىق جەنە شەتەلدٸك دوكتورانت بولدى. ونىڭ قاتىسۋى قازاقستاندىق عالىمداردىڭ جوعارى دايىندىعىن جەنە ولاردىڭ حالىقارالىق عىلىمي قاۋىمداستىققا بەلسەندٸ قاتىسۋىن كٶرسەتتٸ.
قازاقستان-گەرمانييا-قىتاي سەرٸكتەستٸگٸ نەگٸزٸندە قۇرىلعان حالىقارالىق قولدانبالى ميكروبيولوگييا زەرتحاناسى مەن سيان عىلىم جەنە تەحنولوگييالار ۋنيۆەرسيتەتٸنٸڭ «كٶمٸر بيوترانسفورماتسيياسى» زەرتحاناسىنىڭ عالىمدارى 2025 جىلعا ارنالعان حالىقارالىق جوبا گرانتىن ۇتىپ الدى. جوبا اياسىندا قازۇۋ جەنە قىتاي عالىمدارى بٸرلەسكەن عىلىمي زەرتتەۋ جۇمىستارىن جٷرگٸزٸپ, ەكٸ جاقتىڭ باكالاۆر, ماگيسترانت جەنە دوكتورانتتارىنىڭ تاعىلىمدامادان ٶتۋٸن ٸسكە اسىرادى. حالىقارالىق جوبا اياسىندا عالىمدار قازاقستان مەن قىتايدىڭ تٶمەنگٸ سۇرىپتى كٶمٸرلەرٸن زەرتتەپ, ولاردىڭ قورشاعان ورتا مەن ەكولوگيياعا زيياندى ەسەرٸن ازايتۋ نە تٶمەندەتۋ جولدارىن انىقتايتىن بولادى. بۇل جوباعا د.نٷسٸپوۆ تە قاتىسادى. ول ەل-فارابي اتىنداعى قازۇۋ مەن قىتايدىڭ جوعارى وقۋ ورىندارى اراسىنداعى كەلٸسٸمدەر اياسىندا ەلدٸڭ عىلىمي-يننوۆاتسييالىق ەلەۋەتٸن دامىتۋعا ٷلەس قوسۋدىڭ بٸرەگەي مٷمكٸندٸگٸنە يە بولدى.
