جۇما كٷنٸ, 17 قاڭتاردا ۇلتتىق بانك بازالىق مٶلشەرلەمە بويىنشا كەزەكتٸ شەشٸمٸن جارييالايدى, قازٸرگٸ ۋاقىتتا ونىڭ مٶلشەرٸ - 15,25% . بۇل رەتتەگٸ الدىن الا بولجاممەن Halyk Finance بٶلٸسٸپ ٷلگەردٸ, دەپ جازادى Dalanews.kz.
"ٶتكەن جىلدىڭ سوڭىندا ينفلياتسييالىق تەۋەكەلدەردٸڭ كٷشەيۋٸ جاعدايىندا مونەتارلىق رەتتەۋشٸ بازالىق مٶلشەرلەمەنٸ بٸردەن 1 پايىزدىق تارماققا كٶتەردٸ, بٸزدٸڭ ويىمىزشا, سول كەزگە قابىلدانعان بۇل شەشٸم داۋلى بولىپ تابىلادى. اعىمداعى ٷدەگەن ينفلياتسييانى, الدا ينفلياتسييانىڭ كٷشەيۋ ىقتيمالدىعى بويىنشا بولجامداردىڭ ارتۋىن جەنە تەڭگەنٸڭ ەلٸ دە بوساڭسۋىن توقتاتپاۋىن نازارعا الا وتىرىپ, ۇلتتىق بانك بازالىق مٶلشەرلەمەنٸڭ قازٸرگٸ دەڭگەيٸن ساقتاپ قالۋ ىقتيمالدىعى جوعارى, وعان جالپى ىنتالاندىرۋشى فيسكالدىق ساياساتتىڭ ساقتالۋى, ايىرباس باعامىنىڭ ەلسٸرەۋٸ, سونداي-اق رەتتەۋگە جاتاتىن باعالاردىڭ ٶسٸپ جاتۋى نەگٸز بولا الادى", - دەپ جازادى Halyk Finance باسقارما تٶراعاسىنىڭ كەڭەسشٸسٸ مۇرات تەمٸرحانوۆ.
2024 جىلعى جەلتوقساندا ينفلياتسييانىڭ قاراشا ايىمەن سالىستىرعاندا (8,4%) ٷدەۋٸ بايقالدى: جەلتوقساننىڭ قورىتىندىسى بويىنشا 8,6%. ۇلتتىق بانك مەلٸمەتٸنشە, حالىق پەن قازاقستان نارىعىنىڭ كەسٸبي قاتىسۋشىلارىنىڭ ينفلياتسييا بويىنشا الدان كٷتەتٸن تسيفرلارى تاعى دا ناشارلاي تٷستٸ. بٸر جىلدان كەيٸن كٷتٸلەتٸن ينفلياتسييا دەڭگەيٸ قاراشاداعى 14,1% - دان جەلتوقساندا 14,6%-عا دەيٸن ٶستٸ. سونىمەن قاتار, سوڭعى 12 ايدا سەزٸلگەن ينفلياتسييانىڭ مەديانالىق مەنٸ 13,2%-عا دەيٸن ٶستٸ (قاراشادا 13,0%), وندا دا جەلتوقساندا ناقتى جىلدىق تۇتىنۋشىلىق ينفلياتسييا 8,6% دەڭگەيدە بولعاندا.
باعالار مەن ينفلياتسييالىق كٷتۋلەر ٶسٸمٸنٸڭ ماڭىزدى فاكتورى بولىپ اقىلى قىزمەتتەردٸڭ, اتاپ ايتقاندا, مەملەكەت رەتتەيتٸن جەنە بازالىق مٶلشەرلەمەنٸڭ ٶزگەرۋٸنە قاتىستى ەرەكەتكە بەيٸم ەمەس تكش قىزمەتتەرٸ تاريفتەرٸنٸڭ ٶسۋٸ بولىپ تابىلادى.
قاڭتارداعى ۆاليۋتاعا سۇرانىس ماۋسىمدىق جاعدايدا سالىستىرمالى تٷردە تٶمەن بولدى, سوندىقتان اعىمداعى ايدىڭ باسىندا بٸز كۆازيمەملەكەتتٸك سەكتور سۋبەكتٸلەرٸنٸڭ ۆاليۋتالىق تٷسٸمٸنٸڭ 50%-ىن مٸندەتتٸ تٷردە ساتۋ نورماسىن جەنە ۇلتتىق قوردان الىناتىن ترانسفەرتتەردٸڭ جوعارى دەڭگەيٸن ەسكەرە وتىرىپ, قاڭتارداعى تەڭگەگە شاققانداعى دوللار باعامى قازٸرگٸ سىرتقى جەنە ٸشكٸ جاعدايلار ساقتالعان كەزدە ٶتكەن جىلعى جەلتوقسانداعى دەڭگەيٸن ساقتايدى دەپ بولجايمىز.
"الايدا, قاڭتاردا رەسەيگە سالىنعان قوسىمشا سانكتسييالاردان كەيٸن تەڭگەنٸ نىعايتۋى تيٸس مۇناي باعاسى ٶسە باستاعانىنا قاراماستان, ۇلتتىق ۆاليۋتا باعامى ەلٸ دە ەلسٸرەۋدە. ٸشكٸ جەنە سىرتقى تەۋەكەلدەردٸ ەسكەرە وتىرىپ, ۇلتتىق بانك بازالىق مٶلشەرلەمەنٸ جوعارى دەڭگەيدە ۇستاپ, قاتاڭ اقشا-نەسيە شارتتارىن ساقتاۋعا مەجبٷر بولادى, ونىڭ مەنٸ الداعى وتىرىستا قازٸرگٸ كٷيٸندە ساقتالۋى مٷمكٸن. سونداي-اق, بٸز ۇلتتىق بانك بازالىق مٶلشەرلەمەنٸ بيىلعى (7 ناۋرىز) ەكٸنشٸ وتىرىسىندا دا قازٸرگٸ دەڭگەيدە ساقتايدى دەپ سەنەمٸز. جالپى, بٸز بيىلعى جىلى بازالىق مٶلشەرلەمەنٸڭ تٶمەندەۋٸ ەلدەقايدا باياۋ قارقىنمەن جٷرەتٸنٸن بولجايمىز, ٶيتكەنٸ اعىمداعى جىلى قالىپتاسقان ينفلياتسييالىق فاكتورلار ينفلياتسييا بويىنشا تارگەتكە قول جەتكٸزۋگە كەدەرگٸ كەلتٸرە وتىرىپ, ورتا مەرزٸمدٸ كەزەڭدەگٸ باعالارعا تەرٸس ەسەر ەتەتٸن بولادى", - دەيدٸ Halyk Finance ٶكٸلٸ.
ايتا كەتسەك, 2025 جىلى 10 قاڭتاردا قر ۇلتتىق بانكٸنٸڭ ساراپشىلار قاۋىمداستىعى اراسىندا جٷرگٸزگەن كەزەكتٸ ماكروەكونوميكالىق ساۋالنامانىڭ نەتيجەسٸ جارييالاندى. وعان سەيكەس,ساراپشىلار 2025 جىلى كٷتٸلەتٸن ينفلياتسييا كٶلەمٸن 6,9%-دان 7,5%-عا دەيٸن كٶتەردٸ. سونداي-اق بۇل تاقىرىپقا ساي سايتىمىزداعى "ەنە, تٷركييانى قاراڭىز! قارجىگەر "بازالىق مٶلشەرلەمەنٸ تٶمەندەتەيٸك" دەپ جٷرگەندەردٸڭ اۋزىن جاپتى" دەگەن ماقالانى دا وقي وتىرىڭىزدار.
