2025 جىلى ەلٸمٸزدە 19 ملن شارشى مەتر نەمەسە 175 مىڭ تۇرعىن ٷي, 2029 جىلعا قاراي 111 ملن شارشى مەتر سالۋ جوسپارلانۋدا. ال 2024 جىلى قازاقستاندا 18,96 ملن. شارشى مەتر تۇرعىن ٷي سالىندى. بۇل – قازاقستان تەۋەلسٸزدٸك العاننان بەرٸ تۇرعىن ٷي قۇرىلىسىنداعى رەكوردتىق كٶرسەتكٸش, دەپ جازادى Dalanews.kz.
ٶنەركەسٸپ جەنە قۇرىلىس مينيسترلٸگٸنٸڭ مەلٸمەتٸنشە, 2024 جىلدىڭ قورىتىندىسى بويىنشا ەلٸمٸزدە 172 089 باسپانا پايدالانۋعا بەرٸلدٸ. ونىڭ 39 064-ٸ - جەكە ٷي. ٶڭٸرلەر اراسىندا شىمكەنت قالاسى, پاۆلودار, تٷركٸستان جەنە قىزىلوردا وبلىستارى قۇرىلىس قارقىنى بويىنشا كٶش باستاپ تۇر.
2024 جىل قازاقستاننىڭ تۇرعىن ٷي ساياساتى ٷشٸن بەتبۇرىس كەزەڭٸ بولدى. قاراشا ايىندا پرەزيدەنت "تۇرعىن ٷي زاڭناماسىن رەفورمالاۋ تۋرالى" زاڭعا قول قويدى. ول ازاماتتاردىڭ تۇرعىن ٷي جاعدايىن جاقسارتۋعا مەملەكەتتٸك قولداۋ كٶرسەتۋ تەتٸكتەرٸن جەتٸلدٸرەدٸ. "وتباسى بانكٸ" "بٸر تەرەزە" قاعيداتى بويىنشا مۇقتاج ازاماتتار اراسىندا تۇرعىن ٷيدٸ تٸركەۋ جەنە بٶلۋمەن اينالىساتىن تولىققاندى دامۋ ينستيتۋتىنا اينالادى. رەفورما تۇرعىن ٷي الۋ كەزەگٸندەگٸ ازاماتتارعا باسپانا بەرۋ پروتسەسٸنٸڭ اشىقتىعىن ارتتىرۋ ماقساتىندا جٷرگٸزٸلدٸ.
"سونداي-اق وسى زاڭ اياسىندا جالعا بەرٸلەتٸن مەملەكەتتٸك تۇرعىن ٷيلەردە تۇراتىن 71 مىڭعا جۋىق ازاماتقا پەتەرلەرٸن جەكەشەلەندٸرۋگە مٷمكٸندٸك بەرٸلدٸ. جالدامالى تۇرعىن ٷي يەلەرٸنٸڭ كٶپشٸلٸگٸ حالىقتىڭ ەلەۋمەتتٸك وسال توپتارى, ۇوس ارداگەرلەرٸ, مٷگەدەكتٸگٸ بار ازاماتتار, كٶپ بالالى وتباسىلار, جەتٸم بالالار جەنە ت.ب. ەلەۋمەتتٸك وسال توپتارى ساناتىنداعى مۇقتاج ازاماتتار ٷشٸن ەكٸمدٸكتەر 20 مىڭنان استام پەتەر ساتىپ الىندى. ونىڭ 13 مىڭعا جۋىق وتباسى العاش رەت جەكە باسپانانىڭ يەسٸ اتاندى", دەلٸنگەن مينيسترلٸك حابارلاماسىندا.
ودان بٶلەك, 2300 ازاماتقا يپوتەكا بويىنشا باستاپقى جارنانى جابۋ ٷشٸن تۇرعىن ٷي سەرتيفيكاتتارى تٷرٸندە 2,6 ملرد تەڭگە بٶلٸنٸپ, 10,4 مىڭ ازاماتقا تۇرعىن ٷيدٸ جالعا العانى ٷشٸن جالداۋ اقىسىنىڭ بٸر بٶلٸگٸن جابۋ ٷشٸن تۇرعىن ٷي تٶلەمدەرٸ سۋبسيدييالاندى.
"ناۋرىز" جەنە "وتاۋ" مەملەكەتتٸك باعدارلامالارى اياسىندا 2024 جىلى 10 مىڭعا جۋىق وتباسى تۇرعىن ٷي جاعدايىن جاقسارتتى. 64 مىڭعا جۋىق وتباسىن قولداۋعا 1 ترلن تەڭگە بٶلگەن. مەملەكەت جالداۋ اقىسىن سۋبسيدييالاۋ جەنە جەڭٸلدەتٸلگەن يپوتەكالىق نەسيەلەر بەرۋ بويىنشا قولداۋ كٶرسەتۋدٸ جالعاستىرادى.
"2025 جىلى ەلٸمٸزدە 19 ملن شارشى مەتر نەمەسە 175 مىڭ تۇرعىن ٷي, 2029 جىلعا قاراي 111 ملن شارشى مەتر سالۋ جوسپارلانۋدا" دەپ مينيسترلٸك تىڭ دەرەكپەن دە بٶلٸستٸ.
