2025 جىلى 15 قاڭتاردا مەملەكەت باسشىسى قاسىم-جومارت توقايەۆ Abu Dhabi Ports Group باس ديرەكتورى مۇحاممەد ال-شاميسيمەن كەزدەستى، دەپ جازادى Dalanews.kz.
اقوردا باسپا ءسوز قىزمەتىنىڭ حابارلاۋىنشا، كەزدەسۋ بارىسىندا ەكىجاقتى ىنتىماقتاستىقتىڭ پەرسپەكتيۆاسى تالقىلاندى، سونداي-اق كولىك-لوگيستيكا سالاسىندا بۇعان دەيىن قول جەتكىزىلگەن ۋاعدالاستىقتاردى جۇزەگە اسىرۋ ماسەلەسى قاراستىرىلدى.
پرەزيدەنت قاسىم-جومارت توقايەۆ Abu Dhabi Ports كومپانياسىنىڭ ءبىرقاتار ءىرى نىسان قۇرىلىسىنا قاتىستى جوسپارىنا قولداۋ كورسەتىپ، بۇل باستامالار قازاقستاننىڭ كاسپيي تەڭىزىندەگى ايلاق جانە تەڭىز ينفراقۇرىلىمىن دامىتۋ جونىندەگى ستراتەگيالىق مۇددەسىنە ساي كەلەتىنىن اتاپ ءوتتى.
مەملەكەت باسشىسى كولىك ينفراقۇرىلىمى مەن تاسىمال دالىزدەرىن دامىتۋ ەلىمىزدىڭ ورنىقتى ەكونوميكالىق ءوسىمىن قامتاماسىز ەتۋدە جانە حالىقارالىق ساۋدانى جانداندىرۋدا ەرەكشە ءرول اتقاراتىنىن جەتكىزدى.
مۇحاممەد ءال-شاميسي بىرلەسكەن ينۆەستيسيالىق جوبالاردى جۇزەگە اسىرۋ بارىسىندا ۇدايى قولداۋ كورسەتكەنى ءۇشىن قاسىم-جومارت توقايەۆقا العىس ايتتى. سونداي-اق پرەزيدەنتكە "سامۇرىق-قازىنا" قورىمەن جانە "قازاقستان تەمىر جولى" ۇلتتىق كومپانياسىمەن ءتيىمدى سەرىكتەستىك ورناتقانى تۋرالى مالىمەت بەردى.
قاسىم-جومارت توقايەۆ پەن مۇحاممەد ءال-شاميسي بىرلەسكەن جوبالاردىڭ تابىستى جۇزەگە اساتىنىنا سەنىم ءبىلدىردى.
ايتا كەتسەك، اقش وتكەن جۇمادا، 10 قاڭتاردا رەسەيدىڭ ەنەرگەتيكالىق سەكتورىنا قارسى جاڭا سانكسيالار ەنگىزدى. ساراپشىلار بۇل سانكسيا رەسەيدىڭ مۇناي تاسىمالىنداعى كولەڭكەلى فلوتىنا "اۋىر سوققى" بولادى دەپ باجايلايدى.
