2025 jyly 15 qańtarda Memleket basshysy Qasym-Jomart Toqaev Abu Dhabi Ports Group bas direktory Muhammed Ál-Shamisimen kezdesti, dep jazady Dalanews.kz.
Aqorda baspasóz qyzmetiniń habarlaýynsha, kezdesý barysynda ekijaqty yntymaqtastyqtyń perspektivasy talqylandy, sondai-aq kólik-logistika salasynda buǵan deiin qol jetkizilgen ýaǵdalastyqtardy júzege asyrý máselesi qarastyryldy.
Prezident Qasym-Jomart Toqaev Abu Dhabi Ports kompaniiasynyń birqatar iri nysan qurylysyna qatysty josparyna qoldaý kórsetip, bul bastamalar Qazaqstannyń Kaspii teńizindegi ailaq jáne teńiz infraqurylymyn damytý jónindegi strategiialyq múddesine sai keletinin atap ótti.
Memleket basshysy kólik infraqurylymy men tasymal dálizderin damytý elimizdiń ornyqty ekonomikalyq ósimin qamtamasyz etýde jáne halyqaralyq saýdany jandandyrýda erekshe ról atqaratynyn jetkizdi.
Muhammed Ál-Shamisi birlesken investitsiialyq jobalardy júzege asyrý barysynda udaiy qoldaý kórsetkeni úshin Qasym-Jomart Toqaevqa alǵys aitty. Sondai-aq Prezidentke "Samuryq-Qazyna" qorymen jáne "Qazaqstan temir joly" ulttyq kompaniiasymen tiimdi seriktestik ornatqany týraly málimet berdi.
Qasym-Jomart Toqaev pen Muhammed Ál-Shamisi birlesken jobalardyń tabysty júzege asatynyna senim bildirdi.
Aita ketsek, AQSh ótken jumada, 10 qańtarda Reseidiń energetikalyq sektoryna qarsy jańa sanktsiialar engizdi. Sarapshylar bul sanktsiia Reseidiń munai tasymalyndaǵy kóleńkeli flotyna "aýyr soqqy" bolady dep bajailaidy.
