قازاقستاندا جەمقورلاردىڭ اشىق ءتىزىمى پايدا بولادى، دەپ حابارلايدى Dalanews.kz.
قازاقستاندا جەمقورلاردىڭ اشىق ءتىزىمى ەنگىزىلەدى. بۇل تۋرالى سىبايلاس جەمقورلىققا قارسى ءىس-قيمىل اگەنتتىگى ءتوراعاسىنىڭ ءبىرىنشى ورىنباسارى ۇلان سارقۇلوۆ حابارلادى.
بۇگىن ماجىلىستە «قازاقستان رەسپۋبليكاسىنىڭ كەيبىر زاڭنامالىق اكتىلەرىنە سىبايلاس جەمقورلىققا قارسى ءىس-قيمىل ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» جانە «قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنە سىبايلاس جەمقورلىققا قارسى ءىس-قيمىل ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوبالارى قارالۋدا.
اتالعان زاڭ جوبالارى اياسىندا ەلدە جەمقورلاردىڭ اشىق رەەسترىن ەنگىزۋ جوسپارلانىپ وتىر.
«بۇل – الدىن الۋ قۇرالى. ونىڭ نەگىزگى ماقساتى – قوعامدا سىبايلاس جەمقورلىققا توزبەۋشىلىكتى قالىپتاستىرۋ ءۇشىن قوعامدىق ايىپتاۋدى قولدانۋ. رەەسترگە اۋىر جانە اسا اۋىر سىبايلاس جەمقورلىق قىلمىستارى ءۇشىن سوتتالعان ادامدار تۋرالى مالىمەتتەر ەنگىزىلەدى. ادامدى تىزىمگە ەنگىزۋدىڭ نەگىزى – زاڭدى كۇشىنە ەنگەن ايىپتاۋ ۇكىمى»، – دەپ ءتۇسىندىردى سارقۇلوۆ ءماجىلىس وتىرىسىندا.
رەەستردەن شىعارۋ زاڭدى كۇشىنە ەنگەن اقتاۋ ۇكىمى نەگىزىندە جانە سوتتىلىعى جويىلعان جاعدايدا مۇمكىن بولادى.
رەەستر اگەنتتىكتىڭ سايتىندا جاريالانادى.
