Qazaqstanda jemqorlardyń ashyq tizimi paida bolady, dep habarlaidy Dalanews.kz.
Qazaqstanda jemqorlardyń ashyq tizimi engiziledi. Bul týraly Sybailas jemqorlyqqa qarsy is-qimyl agenttigi tóraǵasynyń birinshi orynbasary Ulan Sarqulov habarlady.
Búgin Májiliste «Qazaqstan Respýblikasynyń keibir zańnamalyq aktilerine sybailas jemqorlyqqa qarsy is-qimyl máseleleri boiynsha ózgerister men tolyqtyrýlar engizý týraly» jáne «Qazaqstan Respýblikasynyń Ákimshilik quqyq buzýshylyq týraly kodeksine sybailas jemqorlyqqa qarsy is-qimyl máseleleri boiynsha ózgerister men tolyqtyrýlar engizý týraly» zań jobalary qaralýda.
Atalǵan zań jobalary aiasynda elde jemqorlardyń ashyq reestrin engizý josparlanyp otyr.
«Bul – aldyn alý quraly. Onyń negizgi maqsaty – qoǵamda sybailas jemqorlyqqa tózbeýshilikti qalyptastyrý úshin qoǵamdyq aiyptaýdy qoldaný. Reestrge aýyr jáne asa aýyr sybailas jemqorlyq qylmystary úshin sottalǵan adamdar týraly málimetter engiziledi. Adamdy tizimge engizýdiń negizi – zańdy kúshine engen aiyptaý úkimi», – dep túsindirdi Sarqulov Májilis otyrysynda.
Reestrden shyǵarý zańdy kúshine engen aqtaý úkimi negizinde jáne sottylyǵy joiylǵan jaǵdaida múmkin bolady.
Reestr agenttiktiń saitynda jariialanady.
