«ەۋرازييا ەلەمٸ» پٸكٸر سايىس كلۋبىندا باس قوسقان ساراپشىلار مەن ساياساتتانۋشىلار «عىلىمي-تەحنيكالىق ەرٸپتەستٸكتٸڭ ينتەگراتسيياسى: ەۋرازييالىق كەڭٸستٸكتەگٸ دامۋ قارقىنى» اتتى تاقىرىپتى تالقىعا سالدى.
ساياساتتانۋشى ەدۋارد پولەتاەۆتىڭ ايتۋىنشا ەۋرازييالىق وداق اياسىندا بٸرلەسكەن عىلىمي-تەحنيكالىق جوبالار جاساۋعا ەبدەن بولادى.
«وداققا بٸرٸكپەگەن مەملەكەتتەردٸڭ ٶزدەرٸ عىلىمي-تەحنيكالىق ەرٸپتەستٸكتٸ جاقسى جولعا قويعان. مەن بٸلسەم iPhone جوباسى وسىنداي عىلىمي-تەحنيكالىق ەرٸپتەستٸكتٸڭ جەمٸسٸ. سەبەبٸ, بۇل جوبانى قىتايدا جاسايدى, اقش-تا ەزٸرلەيدٸ. نەلٸكتەن دەل وسىنداي يدەيانى قازاقستان مەن رەسەيگە بٸرٸگٸپ جاساماسقا?» دەيدٸ پولەتاەۆ.
ال جۋرناليست ۆلاديسلاۆ يۋريتسيننٸڭ ايتۋىنشا, عىلىمي-تەحنيكالىق ەرٸپتەستٸك وداققا بٸرٸككەن مەملەكەتتەرگە اۋاداي قاجەت. «باتىستىڭ سانكتسيياسى سالقىنىن تيگٸزٸپ جاتىر. اقش تەحنولوگيياسىنا تەۋەلدٸ بولماۋى ٷشٸن بٸز ٶز جوبالارىمىزدى جاساۋعا تيٸسپٸز» دەيدٸ ول.
جۋرناليست سەرگەي كوزلوۆتىڭ پٸكٸرٸنشە, مۇنداي ەرٸپتەستٸك قاجەت. بٸراق, بۇعان قازاقستاننىڭ ەلەۋەتٸ جەتە مە, مەسەلە وسىندا.
«كٶپ عالىمداردى بٸلەمٸن. بيزنەس تە, مەملەكەت تە عىلىمدى قاجەت ەتپەيدٸ. عىلىم مەن ٶندٸرٸستٸڭ بايلانىسپەن وتىرعانى سوندىقتان» دەيدٸ ولار. دەمەك, بۇل باعىتتا جاسالاتىن جۇمىستار جەتٸپ ارتىلادى»
دەيدٸ كوزلوۆ.
ٶز كەزەگٸندە ساياساتتانۋشى ايگٷل وماروۆا ەرٸپتەسٸنٸڭ سٶزٸمەن كەلٸسەتٸنٸن ايتىپ, قازاقستاننان ميلىباستاردىڭ كەتٸپ جاتقانىن تٸلگە تيەك ەتتٸ.
«مەنٸڭ جاڭاسٸبٸردەگٸ مەحماتتى بٸتٸرگەن تۋىسقانىم قازٸر لوندونداعى حالىقارالىق كومپانييادا جۇمىس ٸستەيدٸ. سەبەبٸ, قازاقستاندا ٷش جىل بويى جۇمىس تاپپاي جٷردٸ.
ايتايىن دەگەنٸم بٸزدە عىلىمعا سەرپٸن بەرەتٸن ماماندار بار. بٸراق, ولار ٶز ەلٸندە باعالانباي جٷر. سالدارىنان شەتەلگە كەتٸپ جاتىر…» دەدٸ وماروۆا.
جيىندى تٷيٸندەگەن ساياساتتانۋشى انتون موروزوۆ مۇنداي ەرٸپتەستٸكتٸڭ ٸس جٷزٸندە جٷزەگە اسارىنا كٷمەن كەلتٸردٸ.
«ەۋرازييالىق وداققا بٸرٸككەن ەلدەر قانداي بٸر عىلىمي جوبانى ەلەمگە تانىستىردى ما? وسى باعىتتا قانداي جەتٸستٸكتەرٸمٸز بار دەگەن ماقساتپەن ەۋرازييالىق ەكونوميكالىق وداقتىڭ قۇجاتتارىن قوپارىپ كٶرگەن ەدٸم. تٷك تاپپادىم. انىعى, تٷك جوق.
سايىپ كەلگەندە, بارلىعى سٶز جٷزٸندە قالىپ جاتىر. ناقتى جۇمىس جوق. پومپەزدٸ دەكلاراتسييالارعا قول قويىلادى. سول كٷيٸندە قالادى» دەدٸ ول.
