ەڭ الدىمەن رەيتينگ قۋعان, ارزان سٶزگە قۇمار جۋرناليسپەن جەكە وتىرىپ كونياك ٸشتٸ. ۇمىتپاسام, «60 جىل بويى اراق ٸشٸپ كەلەمٸن» دەپ, اراققا جارناما جاسادى. اراقتى اقىلمەن ٸشۋگە كەڭەس بەردٸ. اقىلمەن ٸشٸلسە, ەمگە دەرٸ, بويعا قۋات بەرەدٸ ەكەن…
الابۇرتقان جۋرناليسكە: «مىنا كونياگٸڭ «اسانəلٸ» ەمەس پە?» دەپ بٸر كٷلدٸرٸپ الدى. ٶز اتىنىڭ اراق-شاراپپەن بايلانىسى بارىنا قۋانعانى ما, ماقتاعانى ما بۇل?.. ول – ول ما, جەدەل سۇراقتارعا جاۋاپ بەرۋ بارىسىندا: «قۇدايعا سەنەسٸز بە?» – دەگەن جۋرناليست ساۋالىنا:
«بٸر كٷش بار, ول انىق. بٸراق انا دٷنيەگە بارعان ەشكٸم جوق قوي. مەنٸڭشە, جۇماق دەگەن – وسى ٶمٸر. توزاق – تٸرشٸلٸكتە كٶرگەن قيىندىعىڭ! سوندىقتان قۇدايعا دەگەن كٶزقاراسىم ناقتى ەمەس», – دەپ, ايدى اسپانعا شىعاردى اتاقتى اكتەر. تٸزە بەرسەك, تىرناق استىنان كٸر ٸزدەگەندەي بولامىن-اۋ….
اتا ساقالى اۋزىنا تٷسكەن قارييانىڭ «قابٸر ازابى» تۋرالى تٷك سەزٸنبەۋٸ – ونى بۇرمالاپ كەلەكەلەۋٸ يسٸ مۇسىلمان بالاسىنا جات قىلىق. «كەۋدەمنەن جانىمدى الساڭ دا, جٷرەگٸمنەن يمانىمدى الما» دەگەن دانالاردىڭ تۇياعى, جازىق جەردە شالىس باساتىنداي نە كٶرٸندٸ?! اتەيستٸك كٶزقاراستىڭ سٷيەككە مۇنشالىقتى سٸڭەتٸنٸن كٸم بٸلگەن?! دٷنيەنٸڭ جالعان ەكەنٸن بٸر كٸسٸ بٸلسە, وسى كٸسٸ بٸلۋٸ كەرەك ەدٸ. Əتتەڭ!..
باياعىنىڭ وقىماعان شالدارى «باراتىن جەرٸ» تۋرالى بٶستەكٸ سٶيلەمەي, دايىندىعىن جاساپ وتىراتىن ەدٸ. اراقتى تاتىپ الماۋشى ەدٸ. ٶلٸم جايلى جيٸ əڭگٸمەلەپ, جاستارعا ۇلاعاتتى ٸسٸمەن ٷلگٸ ەدٸ. سونىسىمەن دە قادٸرلٸ ەدٸ… ال قايران اسانەلٸ كٶكەم…
بٷگٸنگٸنٸڭ شالدارى بٸر تٷرلٸ بولىپ بارادى. اللاعا سەنبەيدٸ, كٶپٸرٸپ سٶيلەيدٸ. كٶز الدىنان باسقا ەش نəرسەنٸ كٶرمەيدٸ… Əتتەڭ, بٸر كەم دٷنيە!..
ناعاشىباي قابىلبەك, جۋرناليست
دەرەككٶزٸ: elana.kz
