«1346 بالانىڭ 277-سٸ عانا قازاق بالاباقشاسىنا بارادى». پەتروپاۆلدىڭ اتىن ٶزگەرتپەس بۇرىن بالالاردىڭ تٸلٸن سىندىرۋ كەرەك
جينالىسقا قالالىق بٸلٸم بٶلٸمٸنٸڭ جاۋاپتىلارى مەن مەكتەپ جەنە بالاباقشا باسشىلارى قاتىسقان.
كٷن تەرتٸبٸندەگٸ سۇراق بويىنشا, تاقىرىپ قازاق بالالارىن قازاق مەكتەپتەر مەن قازاق بالاباقشالارعا تارتۋدىڭ جولدارى تۋرالى پٸكٸر الماسۋ بولدى.
ەستٸسەڭ جاعاڭدى ۇستايسىڭ... قالا بويىنشا مەكتەپ جاسىنداعى 9 480 قازاق بالانىڭ 3 602-سٸ قازاق مەكتەپتە بٸلٸم السا, 3 776 بالا ورىس مەكتەپتە, قالعان 2 502 بالا ارالاس مەكتەپتەردە بٸلٸم الادى ەكەن.
قالادا 6 قازاق مەكتەبٸ, 8 ارالاس مەكتەپ, 24 ورىس مەكتەبٸ بار ەكەن.
ال پەتروپاۆلداعى مەكتەپ جاسىنا دەيٸنگٸ 1 346 قازاق بالاسىنىڭ تەك 277-سٸ عانا قازاق تٸلدەگٸ بالاباقشاعا باراتىن بولىپ شىقتى.
قازاق تٸلدەگٸ بالاباقشانىڭ سانى 4 بولسا, ارالاس بالاباقشا سانى 19 (مۇنى دا ورىسشا دەۋگە بولادى).
جينالىسقا قاتسۋشىلاردىڭ پٸكٸرٸنشە, تٸل زاڭمەن قورعالماسا ەش نەتيجە بەرمەيتٸنٸ ايتىلدى.
قالانىڭ اتىن ٶزگەرتەمٸز دەپ ۇرانداپ جٷرگەن اعايىندارعا ايتارىم, الدىمەن ۇلتىمىزدىڭ ۇلى قاسيەتٸن ۇقتىراتىن, انا تٸلٸمٸزدٸ تۇعىرعا قوندىرماي ەشتەڭە ٶزگەرمەيدٸ, دەمەكپٸن!
مٷمكٸن كٶشٸ-قوندى اۋىلعا ەمەس, قالاعا باعىتتاۋ كەرەك شىعار... ال سٸزدٸڭ ۇسىنىسىڭىز قالاي?
ەبدٸعاني بازٸلحانۇلى
