«1346 balanyń 277-si ǵana qazaq balabaqshasyna barady». Petropavldyń atyn ózgertpes buryn balalardyń tilin syndyrý kerek
Jinalysqa qalalyq bilim bóliminiń jaýaptylary men mektep jáne balabaqsha basshylary qatysqan.
Kún tártibindegi suraq boiynsha, taqyryp qazaq balalaryn qazaq mektepter men qazaq balabaqshalarǵa tartýdyń joldary týraly pikir almasý boldy.
Estiseń jaǵańdy ustaisyń... Qala boiynsha mektep jasyndaǵy 9 480 qazaq balanyń 3 602-si qazaq mektepte bilim alsa, 3 776 bala orys mektepte, qalǵan 2 502 bala aralas mektepterde bilim alady eken.
Qalada 6 qazaq mektebi, 8 aralas mektep, 24 orys mektebi bar eken.
Al Petropavldaǵy mektep jasyna deiingi 1 346 qazaq balasynyń tek 277-si ǵana qazaq tildegi balabaqshaǵa baratyn bolyp shyqty.
Qazaq tildegi balabaqshanyń sany 4 bolsa, aralas balabaqsha sany 19 (muny da oryssha deýge bolady).
Jinalysqa qatsýshylardyń pikirinshe, til zańmen qorǵalmasa esh nátije bermeitini aityldy.
Qalanyń atyn ózgertemiz dep urandap júrgen aǵaiyndarǵa aitarym, aldymen ultymyzdyń uly qasietin uqtyratyn, Ana tilimizdi tuǵyrǵa qondyrmai eshteńe ózgermeidi, demekpin!
Múmkin kóshi-qondy aýylǵa emes, qalaǵa baǵyttaý kerek shyǵar... Al sizdiń usynysyńyz qalai?
Ábdiǵani BAZILHANULY
