ق ر ىشكى ىستەر ءمينيسترىنىڭ ءبىرىنشى ورىنباسارى مارات قوجايەۆتىڭ ايتۋىنشا، بۇرىنعى مينيستر قالعان جازاسىن تۇرمەدە ەمەس، ۇيىندە جاتىپ وتەيتىن بولىپتى.
– قۋاندىق بيشىمبايەۆ ۇكىمگە زاڭعا سايكەس شاعىم ءتۇسىردى. مەنىڭ بىلۋىمشە، سوت شەشىمى شىقتى، جازا مەرزىمى 4 جىل 8 ايعا دەيىن قىسقارعان. ونىڭ ۇشتەن ەكىسىن ول وتەپ قويدى. ەندى ءبىر جىلدان ءسال عانا ارتىق جازا مەرزىمى قالدى. بۇل مەرزىم جەڭىل جازاعا اۋىستىرىلدى، – دەدى ءمينيستردىڭ ورىنباسارى.
ونىڭ ايتۋىنشا، بيشىمبايەۆ مەرزىمىنەن بۇرىن شارتتى تۇردە بوساتىلماعان، جازاسى جەڭىل جازاعا اۋىستىرىلعان.
مارات قوجايەۆتىڭ ايتۋىنشا، ەندى ول پروباسيا قىزمەتىندە، ياعني قۇقىق قورعاۋ ورگاندارىنىڭ باقىلاۋدا بولادى.
