قازاقستان ۇلتتىق بانكٸ حالىقارالىق رەزەرۆتەردەگٸ التىننىڭ ٷلەسٸن ازايتۋدى جوسپارلاپ وتىر. بۇعان دەيٸن ەلەمدەگٸ ەڭ ٸرٸ التىن ساتىپ الۋشىلاردىڭ بٸرٸ بولعان قارجى رەتتەۋشٸسٸ ەندٸ باعالى مەتالدىڭ بٸر بٶلٸگٸن ساتۋعا نيەتتٸ, دەپ حابارلايدى dalanews.kz bloomberg اگەنتتٸگٸنە سٸلتەمە جاساپ.
ۇلتتىق بانك 2026 جىلدىڭ سوڭىنا دەيٸن حالىقارالىق رەزەرۆتەردەگٸ التىننىڭ ٷلەسٸن قازٸرگٸ 78 پايىزدان 75 پايىزعا دەيٸن تٶمەندەتۋدٸ كٶزدەپ وتىر.
قازٸر قازاقستاننىڭ التىن قورى 386 توننانى قۇرايدى. ال قىركٷيەك ايىنىڭ قورىتىندىسى بويىنشا ەلدٸڭ حالىقارالىق رەزەرۆتەرٸنٸڭ جالپى كٶلەمٸ 66,4 ميلليارد دوللارعا جەتكەن.
جوسپارعا سەيكەس, التىن ٷلەسٸن قىسقارتۋدىڭ جارتىسى وپتسيوندار ساتۋ ارقىلى, قالعان بٶلٸگٸ ناقتى التىندى ٶتكٸزۋ ەسەبٸنەن جٷزەگە اسىرىلماق.
ۇلتتىق بانك نەلٸكتەن التىن ساتپاق?
مۇنداي شەشٸمگە حالىقارالىق رەزەرۆتەردەگٸ التىن ٷلەسٸنٸڭ شامادان تىس جوعارى بولۋى سەبەپ بولعان. قارجى رەتتەۋشٸسٸ رەزەرۆتەردٸ ەرتاراپتاندىرىپ, قاراجاتتى تٷرلٸ اكتيۆتەر اراسىندا بٶلۋدٸ كٶزدەيدٸ.
بۇعان اقش-تىڭ قازىناشىلىق وبليگاتسييالارى كٸرٸستٸلٸگٸنٸڭ ارتۋى دا ەسەر ەتكەن. اتالعان كٶرسەتكٸشتٸڭ سوڭعى 24 جىلداعى ەڭ جوعارى دەڭگەيگە جەتۋٸ دوللارمەن ەسەپتەلەتٸن اكتيۆتەردٸڭ تارتىمدىلىعىن كٷشەيتكەن.
التىن ارزانداسا, ونى ساتۋدىڭ قاجەتٸ بولماۋى مٷمكٸن
دەگەنمەن ۇلتتىق بانكتٸڭ جوسپارى ەلەمدٸك نارىقتاعى التىن باعاسىنا دا بايلانىستى.
ەگەر باعالى مەتالدىڭ بٸر ۋنتسيياسى 4 مىڭ دوللاردان تٶمەندەسە, ونىڭ حالىقارالىق رەزەرۆتەردەگٸ ٷلەسٸ قوسىمشا ساتىلىمسىز-اق جوسپارلانعان 75 پايىزدىق دەڭگەيگە جاقىنداۋى مٷمكٸن.
وسىلايشا, ۇلتتىق بانك التىن قورىنان تولىق باس تارتۋدى ەمەس, حالىقارالىق رەزەرۆتەردٸڭ قۇرىلىمىن تەڭگەرٸمدٸ ەتۋگە باعىتتال
