Qazaqstan Ulttyq banki halyqaralyq rezervterdegi altynnyń úlesin azaitýdy josparlap otyr. Buǵan deiin álemdegi eń iri altyn satyp alýshylardyń biri bolǵan qarjy retteýshisi endi baǵaly metaldyń bir bóligin satýǵa nietti, dep habarlaidy dalanews.kz bloomberg agenttigine silteme jasap.
Ulttyq bank 2026 jyldyń sońyna deiin halyqaralyq rezervterdegi altynnyń úlesin qazirgi 78 paiyzdan 75 paiyzǵa deiin tómendetýdi kózdep otyr.
Qazir Qazaqstannyń altyn qory 386 tonnany quraidy. Al qyrkúiek aiynyń qorytyndysy boiynsha eldiń halyqaralyq rezervteriniń jalpy kólemi 66,4 milliard dollarǵa jetken.
Josparǵa sáikes, altyn úlesin qysqartýdyń jartysy optsiondar satý arqyly, qalǵan bóligi naqty altyndy ótkizý esebinen júzege asyrylmaq.
Ulttyq bank nelikten altyn satpaq?
Mundai sheshimge halyqaralyq rezervterdegi altyn úlesiniń shamadan tys joǵary bolýy sebep bolǵan. Qarjy retteýshisi rezervterdi ártaraptandyryp, qarajatty túrli aktivter arasynda bólýdi kózdeidi.
Buǵan AQSh-tyń qazynashylyq obligatsiialary kiristiliginiń artýy da áser etken. Atalǵan kórsetkishtiń sońǵy 24 jyldaǵy eń joǵary deńgeige jetýi dollarmen esepteletin aktivterdiń tartymdylyǵyn kúsheitken.
Altyn arzandasa, ony satýdyń qajeti bolmaýy múmkin
Degenmen Ulttyq banktiń jospary álemdik naryqtaǵy altyn baǵasyna da bailanysty.
Eger baǵaly metaldyń bir ýntsiiasy 4 myń dollardan tómendese, onyń halyqaralyq rezervterdegi úlesi qosymsha satylymsyz-aq josparlanǵan 75 paiyzdyq deńgeige jaqyndaýy múmkin.
Osylaisha, Ulttyq bank altyn qorynan tolyq bas tartýdy emes, halyqaralyq rezervterdiń qurylymyn teńgerimdi etýge baǵyttal
