Eń aldymen reıtıń qýǵan, arzan sózge qumar jýrnalıspen jeke otyryp konák ishti. Umytpasam, «60 jyl boıy araq iship kelemin» dep, araqqa jarnama jasady. Araqty aqylmen ishýge keńes berdi. Aqylmen ishilse, emge dári, boıǵa qýat beredi eken…
Alaburtqan jýrnalıske: «Myna konágiń «Asanáli» emes pe?» dep bir kúldirip aldy. Óz atynyń araq-sharappen baılanysy baryna qýanǵany ma, maqtaǵany ma bul?.. Ol – ol ma, jedel suraqtarǵa jaýap berý barysynda: «Qudaıǵa senesiz be?» – degen jýrnalıs saýalyna:
«Bir kúsh bar, ol anyq. Biraq ana dúnıege barǵan eshkim joq qoı. Menińshe, jumaq degen – osy ómir. Tozaq – tirshilikte kórgen qıyndyǵyń! Sondyqtan Qudaıǵa degen kózqarasym naqty emes», – dep, aıdy aspanǵa shyǵardy ataqty akter. Tize bersek, tyrnaq astynan kir izdegendeı bolamyn-aý….
Ata saqaly aýzyna túsken qarıanyń «qabir azaby» týraly túk sezinbeýi – ony burmalap kelekeleýi ısi musylman balasyna jat qylyq. «Keýdemnen janymdy alsań da, júregimnen ımanymdy alma» degen danalardyń tuıaǵy, jazyq jerde shalys basatyndaı ne kórindi?! Ateısik kózqarastyń súıekke munshalyqty sińetinin kim bilgen?! Dúnıeniń jalǵan ekenin bir kisi bilse, osy kisi bilýi kerek edi. Átteń!..
Baıaǵynyń oqymaǵan shaldary «baratyn jeri» týraly bósteki sóılemeı, daıyndyǵyn jasap otyratyn edi. Araqty tatyp almaýshy edi. Ólim jaıly jıi áńgimelep, jastarǵa ulaǵatty isimen úlgi edi. Sonysymen de qadirli edi… al qaıran Asanáli kókem…
Búginginiń shaldary bir túrli bolyp barady. Allaǵa senbeıdi, kópirip sóıleıdi. Kóz aldynan basqa esh nárseni kórmeıdi… Átteń, bir kem dúnıe!..
Naǵashybaı QABYLBEK, jýrnalıs
Derekkózi: elana.kz
